ဦးကိုကိုကြီးသည် ၈၈ မျိုးဆက် ကျောင်းသားခေါင်းဆောင်တစ်ဦးဖြစ်ပါတယ်။ နိုင်ငံရေးပါတီတစ်ခု ထူထောင်ဖို့ ကြိုတင်ပြင်ဆင်နေတဲ့သူတွေထဲက တစ်ဦးလည်း ဖြစ်ပါတယ်။
မေး - ပထမဦးဆုံးမေးခွန်းကတော့ ပါတီတခုထူထောင်ဖို့ဆိုတာဟာ လိုအပ်ချက်အရ ဖြစ်လာတာလား၊ ဒါမှမဟုတ် ကြိုတင်စဉ်းစားပြီးတော့ နှစ်ရှည်လများစဉ်းစားခဲ့တဲ့ Plan လားခင်ဗျာ။
ဖြေ - ကျွန်တော်တို့ပြန်ပြောရင်တော့လွန်ခဲ့တဲ့ နှစ် ၃၀ ပေ့ါ။ ၁၉၈၇-၈၈ နိုင်ငံရေးထဲပါလာတဲ့အချိန်၊ နောက် ကျွန်တော်တို့ တစ်ပါတီအာဏာရှင်စနစ်ကို ဆန့်ကျင်ပြီးလို့ ပါတီစုံဒီမိုကရေစီပွင့်လာတဲ့ အချိန်မှာကတည်းက ကျွန်တော်တို့ နိုင်ငံရေးပါတီတစ်ရပ်အဖြစ်နဲ့ ထူထောင်ဖို့ဆိုတဲ့ စဉ်းစားချက်တွေ ရှိခဲ့ပါတယ်။ ဒါပေမယ့် ကျွန်တော်တို့ အဲ့ဒီအချိန်မှာ အားလုံးကျွန်တော်တို့ လူရင်းတွေအားလုံး ဆုံးဖြတ်ကြတာက ဒီမိုကရေစီအပြောင်းအလဲမှာ ပထမအဆင့်အနေနဲ့ကတော့ တို့က လက်ရှိရှိပြီးသား အားကောင်းပြီးသား နိုင်ငံရေးပါတီတွေ၊ လူထုထောက်ခံတဲ့ နိုင်ငံရေးပါတီအဖွဲ့အစည်းတွေကိုပဲ၊ ကျွန်တော်တို့အဓိက ပံ့ပိုးကူညီသွားမယ် ဆိုပြီးတော့ ရပ်တည်ခဲ့တာပေ့ါ။ အခုကတော့ ကျွန်တော်တို့ နိုင်ငံရေးလောကထဲဖြတ်သန်းလာတာ အနှစ် ၃၀ လောက်ရှိပြီ။ ကျွန်တော်တို့ကိုယ်တိုင်လည်း ၅၀ ကျော်တန်းတွေ ဖြစ်လာတဲ့အခါကြတော့ ကျွန်တော်တို့ရဲ့ ဖြတ်သန်းမှု အတွေ့အကြုံတွေ၊ ကျွန်တော်တို့ရဲ့ လေ့လာမှုဗဟုသုတတွေကို လက်တွေ့အကောင်အထည်ပေါ်အောင်လုပ်ဖို့ဆိုရင် နိုင်ငံရေးပါတီတစ်ရပ်အနေနဲ့ ဆောင်ရွက်မှဖြစ်မယ်လို့ ဆုံးဖြတ်ပြီးတော့ ဒီပါတီတစ်ရပ်ပေါ် ပေါက်ရေး တွေ့ဆုံဆွေးနွေးပွဲကို ပထမအဆင့်ဆောင်ရွက်မယ်လို့ ကျွန်တော်တို့ဆုံးဖြတ်ခဲ့တာပါ။
မေး - ကျွန်တော်တို့က ပံ့ပိုးပေးခဲ့တယ်ဆိုတဲ့စကားကို ပြန်ကောက်ပြီးတော့ပြောရမယ်ဆိုရင် ကျွန်တော်တို့ ဒီပါတီထူထောင်မယ့်ဆိုတဲ့ခါမှာ ဒီ NLD ပါတီကို အရင်တုန်းက ပံ့ပိုးပေးခဲ့တယ်၊ ပံ့ပိုးပေးတဲ့ နောက်ပိုင်းမှာ ဒီပါတီမှာဝင်ပြီးတော့ ကျွန်တော်တို့က နိုင်ငံရေးလုပ်လို့မရနိုင်တဲ့ အနေအထားလား၊ ဘယ်လိုဖြစ်လို့လဲ။
ဖြေ - တစ်ခုကတော့ ကျွန်တော်တို့က ဒီပါတီကို ပံ့ပိုးတယ်ဆိုတာထက်ကို ဒီမိုကရက်တိုင်ဇေးရှင်းပေါ့။ ဒီမိုကရေစီဖြစ်ပေါ်ပြောင်းလဲမှုကို ပံ့ပိုးဖို့အတွက် ဘယ်ဟာက အထိရောက်ဆုံးဖြစ်မလဲ ဆိုတဲ့စဉ်းစားချက်နဲ့ ပံ့ပိုးခဲ့တယ်။ အဲ့တော့ ပြီးခဲ့တဲ့ ၂၀၁၅ရွေးကောက်ပွဲမှာဆိုရင် ဒီမိုကရေစီအင်အားစုများကို ဝန်းရံသွားမယ်လို့ ကျွန်တော်တို့ဆုံးဖြတ်ချက် ကြေညာချက်ထုတ်ခဲ့တယ်။ ဒါ့ကြောင့်မို့လို့လည်း တိုင်းရင်းသားနိုင်ငံရေးပါတီတွေကိုရော တစ်နိုင်ငံလုံးအတိုင်းအတာနဲ့ဆိုရင် အမျိုးသားဒီမိုကရေစီအဖွဲ့ချုပ်ပေ့ါ၊ အောင်နိုင်ရေးအတွက်ကို ကျွန်တော်တို့ဆောင်ရွက်ခဲ့တာဖြစ်ပါတယ်။ အဲ့တော့အခုချိန်မှာကတော့ ကျွန်တော်တို့သက်တူရွယ်တူတွေရော၊ ကျွန်တော်တို့မျိုးဆက်အသီးသီးပေါ့။ အားလုံးကျယ်ကျယ်ပြန့်ပြန့် ပါဝင်နိုင်တဲ့ နိုင်ငံရေးပါတီတခုဖြစ်ဖို့ဆိုတဲ့ ဆုံးဖြတ်ချက်နဲ့ ကျွန်တော်တို့ဆောင်ရွက်ခဲ့တာပါ။
မေး - အဲဒီတော့ ပါတီတစ်ခုတော့ မကြာခင်ဖြစ်လာမှာပေါ့နော်၊ ဒီအတိုက်အခံပါတီအဖြစ်အနေနဲ့ပဲ ရပ်တည်သွားမလား၊ ဘယ်လိုပုံစံမျိုးသွားမလဲ၊ ပါတီကြီး-၂ခုရှိတယ်ပေ့ါနော်၊ ပါတီကြီး-၂ ခုကြားထဲမှာ ဘယ်လိုမျိုးမူဝါဒတွေနဲ့ ဆက်သွားဖို့ရှိလဲ။
ဖြေ - ဒီနေရာမှာ ကျွန်တော်တို့ မြန်မာနိုင်ငံရေးလောကထဲမှာ အသုံးများတဲ့စကားလုံးတွေပေ့ါ။ ဒီအ တိုက်အခံပါတီတို့၊ တတိယအင်အားစုတို့ဆိုတဲ့ အသုံးအနှုံးတွေက ဒါကျွန်တော့် ယုံကြည်လက်ခံထားတဲ့ အယူအဆအရ ပြောရမယ်ဆိုရင် လူထုကြားထဲမှာ နားလည်မှုလွဲနေတယ်လို့မြင်တယ်။ အတိုက်အခံပါတီဆိုတာ သူကအာဏာရတဲ့ပါတီအစိုးရကို အတိုက်အခံလုပ်မယ်ဆိုတဲ့ သဘောမျိုးကြီးပဲသက်ရောက်နေတယ်။ တစ်ကယ့်တကယ် ပါတီစုံဒီမိုကရေစီစနစ်မှာ ပါတီတစ်ခုဟာ သူရဲ့လမ်းစဉ်မူဝါဒ ယုံကြည်ချက်တွေနဲ့ ရပ်တည်တာ၊ အဲ့တော့သူ့လမ်းစဉ် သူ့ယုံကြည်ချက်နဲ့တူရင် မဟာမိတ်ဖွဲ့တာတွေရှိမယ်၊ မတူရင်သူက ထောက်ပြတာ၊ ဝေဖန်တာတွေရှိမယ်။ နောက်တစ်ခုက ကျွန်တော်တို့က ပါတီထူထောင်ခြင်းရဲ့ ရည်ရွယ်ချက်ကိုက တစ်ကယ့်တကယ် ကိုယ့်ရဲ့မဲဆန္ဒရှင်ပြည်သူတွေ အတွက်လို့ ဦးတည်ချက်ထားမယ်ဆိုရင် မဲဆန္ဒရှင်ပြည်သူတွေအတွက် အကျိုးဖြစ်ထွန်းမယ့်အရာတွေဆိုရင် ကျွန်တော်တို့က ထောက်ခံမယ်၊ ပူးပေါင်းဆောင်ရွက်သွားမယ်၊ တချို့ဟာတွေမှာ ကျွန်တော်တို့အယူအဆနဲ့ကွဲလွဲတယ်၊ ဒီလိုလုပ်ရင်ပိုကောင်းမယ်ထင်တယ်ဆိုတဲ့ အယူအဆမျိုးရှိချင်လည်း ကျွန်တော်ထောက်ပြတာ အကြံပြုတာမျိုးလုပ်သွားမယ်။ ဆိုတော့ဒါက နိုင်ငံရေးပါတီတစ်ရပ်ရဲ့သဘာဝ လုပ်ရိုးလုပ်စဉ်ပဲ။ ဒါ့ကြောင့်အတိုက်အခံဆိုတဲ့စကားလုံးက အနုတ်လက္ခဏာဆောင်နေတယ်။ သူကအစိုးရကို ဆန့်ကျင်မယ့်သဘောမျိုးဆောင်နေတာ၊ တကယ်က ပါတီစုံနိုင်ငံရေးက အဲ့ဒီသဘာဝမဟုတ်ဘူး။ တကယ့်ကို လူထုအကျိုးစီးပွားအတွက် ဖြစ်သင့်ဖြစ်ထိုက်တာ၊ ပြောသင့်ပြောထိုက်တဲ့ဟာတွေကို ဝေဖန်တယ်၊ ထောက်ပြတယ်၊ အကြံဥာဏ်ပေးတယ်၊ ကောင်းတဲ့ဟာတွေမှာဆိုရင်လည်း ပူးပေါင်းဆောင်ရွက်တယ်၊ ထောက်ခံတယ်။ ဒီပုံစံမျိုးနဲ့ပဲ မူဝါဒကို အခြေခံပြီးတော့သွားသင့်တယ်။ ကျွန်တော်တို့အဲ့လိုသွားဖို့ ရည်ရွယ်ထားတယ်လို့ ကျွန်တော်တို့ပြောချင်ပါတယ်။
မေး - နိုင်ငံရေးပါတီတစ်ခု ထူထောင်ဖို့စဉ်းစားတဲ့အခါမှာ ကျွန်တော်တို့ ဒီအရင် အရပ်ဘက်၊ စစ်ဘက် ဆက်ဆံရေးအနေနဲ့ရော၊ ဒီပါတီမူဝါဒအနေနဲ့ ဘယ်လိုမျိုးစဉ်းစားထားတာရှိလဲ။
ဖြေ - ကျွန်တော်တို့က ၁၉၈၈၊ (၈) လေးလုံး အရေးတော်ပုံကြီးမှာ ကြွေးကျော်သံပေ့ါ။ ဒီမိုကရေစီရရှိရေး ဒို့အရေး ဆိုတာ ကြွေးကျော်သံအနေနဲ့က စကားလုံးလေးက နည်းနည်းလေးပဲ၊ ဒါပေမယ့် တကယ့်အနှစ်သာရက အင်မတန်ကျယ်ပြန့်တယ်။ ဒီမိုကရေစီရရှိရေးဆိုရင် ဒီမိုကရေစီဆိုတာက မဲဆန္ဒရှင်ပြည်သူများကသာလျှင် အထွဋ်အထိပ်ဖြစ်ရမယ်။ အဆုံးအဖြတ်ပေးရမယ်၊ သို့သော် Real Politic လို့ခေါ်တာပေ့ါနော်။ လက်တွေ့နိုင်ငံရေး၊ ပကတိနိုင်ငံရေးအရက နိုင်ငံရေးနယ်ပယ်ထဲမှာ စစ်တပ်က ပါဝင်ပတ်သတ်လာခဲ့တာ။ ဝင်ပတ်သတ်လာခဲ့တယ် ဆိုတာထက်ကို ဦးဆောင်လာခဲ့တာက ကျွန်တော်တို့ ရာစုနှစ်တစ်ဝက် နီးပါးလောက်ကို ဖြစ်ခဲ့တော့ အဲ့ဒီအခြေအနေကြီးက ချက်ခြင်းကြီးတော့ ဖြေရှင်းလို့မရနိုင်ဘူး။ သို့သော်တဖြေးဖြေးချင်းနဲ့ ကျွန်တော်တို့ရဲ့ အန္တိမရည်ရွယ်ချက်က ပြည်သူတွေကစိုးမိုးတဲ့ ပြည်သူတွေက ကိုယ်စားပြုပြီးအုပ်ချုပ်တဲ့ နိုင်ငံရေးစနစ်ဖြစ်အောင် ကြိုးစားတဲ့အခါမှာ စစ်ဘက်၊ အရပ်ဘက် ဆက်ဆံရေး ပုံမှန်ဖြစ်ဖို့ဆိုတာကို ကျွန်တော်တို့က အချိန်ကာလအပိုင်းအခြားအလိုက် ဒီအကန့်မှာ ဘယ်လောက်ရအောင် ကြိုးစားမလဲ၊ နောက်အကန့်မှာ ဘယ်လို ကြိုးစားမလဲဆိုတာမျိုးနဲ့ ဒီဟာကို Process တစ်ခုအဖြစ်ပေ့ါ။ ဖြစ်စဉ်တစ်ခုအဖြစ်နဲ့ ကျွန်တော်တို့ချဉ်းကပ်သွားမှာ ဖြစ်ပါတယ်။ အဲ့တော့ စစ်ဘက်၊အရပ်ဘက် ဆက်ဆံရေးကို ပြောတဲ့အခါမှာ စစ်တပ်က ဘာကြောင့်နိုင်ငံရေးထဲမှာ ပါလာသလဲလို့ပြောရင် ဒါ ၆၂ အာဏာသိမ်းကတည်းက အကြောင်းပြတာက နိုင်ငံတော်ကြီးပြိုကွဲတော့မယ်။ လုံခြုံရေးအန္တရာယ် ဖြစ်နေပြီဆိုတဲ့ အကြောင်းပြချက်နဲ့ နိုင်ငံရေးထဲကို ပါလာတယ်။ ကျွန်တော်တို့ကလည်း တကယ်လို့ နိုင်ငံတော်အတွက်ကို တကယ့်ကို လုံခြုံရေးပြသာနာဖြစ်လာပြီဆိုရင် စိုးရိမ်ပူပန်ရမယ့် ဖြေရှင်းရမယ့်သူက စစ်တပ်တစ်ခုပဲ မဟုတ်ဘူး။ နိုင်ငံသားအားလုံးနဲ့ဆိုင်တယ်၊ အဲ့လိုမျိုးနိုင်ငံသားအားလုံးက လုံခြုံရေးကိစ္စတွေမှာ ပါဝင်ဆွေးနွေး ဆုံးဖြတ်နိုင်တဲ့ အဆင့်ကို ကျွန်တော်တို့ကသွားရမှာ၊ တဖက်ကစစ်တပ်ကလည်း လုံခြုံရေးလို့ပြောရင် နိုင်ငံတော်လုံခြုံရေးဆိုတာက စစ်ရေးအမြင်ကဲနေတယ်။ တကယ်က ကျွန်တော်တို့က Human Security လို့ ခေါ်တဲ့ လူသားလုံခြုံရေးရှု့ထောင့်ကို စစ်တပ်ကပြောင်းလဲပြီးတော့ သူ့ဘက်ကလည်း မြင်အောင်၊ ပြင်ဆင်လာအောင် ကျွန်တော်တို့က ကြိုးစားရမယ်။ ဒီနေရာမှာ အမျိုးသားပြန်လည် သင့်မြတ်ရေးကို သွားတဲ့အခါမှာ စစ်ဘက်၊အရပ်ဘက် ဆက်ဆံရေး ပုံမှန်အခြေအနေရောက်ဖို့ ဘာကြောင့် ပုံမှန်အခြေအနေ မဖြစ်သလဲဆိုရင် လုံခြုံရေးအကြောင်းပြချက်ကြောင့်၊ လုံခြုံရေးအကြောင်းပြချက်ဆိုတာနဲ့ ပြည်တွင်းစစ်ကို ဦးတည်သွားတယ်။ ပြည်တွင်းစစ်ကို ချုပ်ငြိမ်းနိုင်ဖို့ဆိုတာက စစ်ဘက်၊ အရပ်ဘက် ဆက်ဆံရေးပုံမှန်ဖြစ်ဖို့နဲ့ တိုင်းရင်းသားတန်းတူညီမျှရေး၊ ဖက်ဒရယ်ပြည်ထောင်စုထူထောင်ရေးနဲ့ ဒါက (၃)ပွင့်ဆိုင် ပြဿနာ ဖြစ်နေတယ်လို့ ကျွန်တော်တို့က မြင်တယ်။ ဒါကြောင့် ဒါကိုဟန်ချက်ညီအောင် ကျွန်တော်တို့ ဆောင်ရွက်နိုင်မှ စစ်ဘက် အရပ်ဘက်ဆက်ဆံရေးဟာလဲ ပုံမှန်ပြန်ဖြစ်လာပါလိမ့်မယ်လို့ ကျွန်တော်တို့ကနားလည်ပါတယ်။
မေး - နိုင်ငံရေး၊ ငြိမ်းချမ်းရေးလို့ပြောလို့ရှိရင် တိုင်းရင်းသားရေး မေ့ထားလို့မရဘူးပေ့ါနော်။ နိုင်ငံရေးပါတီတခု ထူထောင်တဲ့အခါမှာ တိုင်းရင်းသားရေးကိုမေ့ထားသင့်တယ်လို့မထင်ပါဘူး။ တိုင်းရင်းသားရေးနဲ့ပတ်သက်ပြီးတော့ ဘာတွေများစဉ်းစားထားတာရှိပါသလဲ။
ဖြေ - နိုင်ငံရေးပါတီတစ်ရပ်ရဲ့ မူဝါဒအနေနဲ့ကတော့ ကျွန်တော်တို့ တရားဝင်ကြေညာပြီးတဲ့အခါမှပဲ ကျွန်တော်တို့ အသေးစိတ်ပြောလို့ရမယ်။ အဲ့တော့ ယေဘူယျ ကျွန်တော်တို့ပြောနိုင်တာတခုကတော့ တိုင်းရင်း သား အရေးပြဿနာဟာ ကျွန်တော်တို့အသက်ထက် ကြီးတယ်၊ နှစ်(၇၀)နီးပါးရှိတယ်။ ဒါကို တစ်ထိုင်တည်းနဲ့ဖြေရှင်းနိုင်လိမ့်မယ်လို့ မျှော်လင့်ချက်ထားလို့ မရဘူး။ သို့သော် ဖြေရှင်းဖို့အဆင့်တိုင်းမှာ ပိုမိုကောင်းမွန်တဲ့ တိုးတက်တဲ့ ဖြစ်ပေါ်ပြောင်းလဲမှုတွေ ဖြစ်ဖို့လိုတယ်။ နောက်ဆုံးကျွန်တော်တို့က ဒီရွေးကောက်ပွဲကာလကနေ နောက်ထပ်ရွေးကောက်ပွဲသက်တမ်းထဲကို သွားတဲ့အခါမှာ တက်လာတဲ့အစိုးရ၊ တာဝန်ယူမယ့်အစိုးရလက်ထဲကို အခုအခြေအနေထက် ပိုကောင်းတဲ့ရလဒ်တစ်ခု လွှဲပေးနိုင်ဖို့ ကျွန်တော်တို့ ကြိုးစားရတယ်။ ကျွန်တော်တို့က လက်တွေ့ကျကျဖြေရှင်းတဲ့အခါမှာ လက်နက်ကိုင်ပဋိပက္ခဆိုပေမယ့် ဒါဟာ စစ်ရေးပြဿနာမဟုတ်ဘူး၊ နိုင်ငံရေးပြဿနာ၊ ဖွံ့ဖြိုးတိုးတက်ရေးပြဿနာ၊ နောက်တစ်ခါ သူတို့ တိုင်းရင်းသားတစ်ဦးစီရဲ့ အမှတ်အသားသရုပ်ပြဿနာ၊ ဒါတွေကို ကျယ်ကျယ်ပြန့်ပြန့် ကျွန်တော်တို့ ဖြေရှင်းနိုင်ဖို့အတွက်က စိတ်ရှည်လက်ရှည်နဲ့ ကြိုးစားရမယ်လို့ မြင်ပါတယ်။
မေး - နောက်တစ်ခုကျွန်တော်ထပ်မေးချင်တာက Public Policy လူတွေရဲ့ လူမှုဘဝတွေ ဖွံ့ဖြိုးဖုိ့။ ဥပမာ။ ဆိုကြပါစို့၊ လမ်းကိစ္စ၊ လျှပ်စစ်ကိစ္စ၊ အစရှိသည်အားဖြင့် ဘာတွေစဉ်းစားထားတာရှိပါသလဲ။
ဖြေ - နိုင်ငံရေးပါတီတစ်ခုအနေနဲ့ကတော့ သူရွေးကောက်ပွဲအနိုင်ရရင် အကြောင်းအရာတစ်ခုချင်းစီ၊ ကဏ္ဍတစ်ခုချင်းစီအလိုက် ဘာတွေလုပ်မယ်ဆိုတဲ့ မူဝါဒပိုင်းဆိုင်ရာစဉ်းစားချက်တွေ၊ နောက်တစ်ခါ မဲဆွယ်ကတိကဝတ်တွေလည်း ရှိပါတယ်။ တကယ်အကောင်အထည်ဖော်ခွင့်ရပြီး၊ လုပ်ပိုင်ခွင့်ရပြီဆိုတဲ့အခါကျတော့ အဲ့ဟာတွေကို ကိုယ့်ရဲ့ပေါ်လစီအကောင်အထည်ဖော်တော့မယ် အခါမှာ ကောင်းကျိုးဆိုးပြစ်ပေ့ါ၊ အဲ့ဒါတွေကို ပြည်သူတွေပါ ဝိုင်းဝန်းပြီးတော့ဆွေးနွေးနိုင်တဲ့ထိ ပေါ်လစီ Debate တွေပေါ့။ အဲ့ဒါမျိုးတွေကို တဖက်က ဖန်တီးပေးဖို့လိုတယ်၊ ဆိုလိုတာက သွယ်ဝိုက်ဒီမိုကရေစီပေ့ါ။ ကိုယ်စားပြုဒီမိုကရေစီအရကတော့ ရွေးကောက်ခံရတဲ့ ကိုယ်စားလှယ်တွေက လွှတ်တော်ထဲမှာ ဆွေးနွေးကြတာရှိတယ်။ တချိန်တည်းမှာပဲ ပညာရပ်ဆိုင်ရာ ကျွမ်းကျင်မှုနယ်ပယ်အသီးသီးက ပုဂ္ဂိုလ်များနဲ့ နောက်တခါ တကယ့်လက်တွေ့အကျိုးဆက်ကို ခံစားရမယ့်ပြည်သူတွေပါ ပါဝင်တဲ့ Policy Debate တွေပေ့ါ။ အဲ့ဒါတွေကိုလဲ ကျွန်တော်တို့က ဖန်တီးပေးဖို့ လိုတယ်။ အဲ့လိုကျယ်ကျယ်ပြန့်ပြန့်စဉ်းစားပြီးတော့မှ အကြောင်းအရာတစ်ခုကို ကျွန်တော်တို့က ဘယ်လိုဆုံးဖြတ်မလဲဆိုတာကို ဆုံးဖြတ်တာက ပိုပြီးပြည့်စုံတယ်။ နောက် မတူညီတဲ့အသံတွေ ရှု့ထောင့်တွေလဲ ပါဝင်ပြီးတော့ ကျွန်တော်တို့ စဉ်းစားဆုံးဖြတ်နိုင်တယ်လို့ မြင်ပါတယ်။
မေး။ ။ ကျွန်တော် တွေးမိသလောက်ပေါ့နော်။ ကျွန်တော်တို့ ပါတီကြီးတစ်ခုက မျိုးဆက်ပြတ်နေတယ်လို့ ဝေဖန်သံတွေ ပြီးခဲ့တဲ့နှစ်တွေတုန်းက ထွက်ခဲ့တယ်။ အဲတော့ ဦးကိုကိုကြီးတို့ ပါတီအနေနဲ့ရော ဖြစ်လာမယ့် ပါတီပေါ့နော်။ ဒီ Institution တွေ ခိုင်မာဖို့အတွက် မူဝါဒတွေ ချမှတ်တာ ဒါမှ မဟုတ် စဉ်းစားထားတာ ဘယ်လို ဆက်လုပ်မယ်ဆိုတဲ့ ဟာမျိုးတွေ ခိုင်ခိုင်မာမာ ရှိပြီလား။
ဖြေ။ ကျွန်တော်တို့က နိုင်ငံရေးပါတီ ထူထောင်တော့မယ် ဆိုကတည်းက ရည်မှန်းချက်အနေနဲ့တော့ ဟို မြင့်မြင့်မားမား ထားတယ်။ ဘယ်လိုထားလဲ ဆိုတော့ ဥပမာအားဖြင့် ဖြစ်လာတဲ့ နိုင်ငံရေးပါတီမှာ မောင်ဖြူ မရှိလို့ ၊ မောင်နီ မရှိလို့ ဆိုတာမျိုး မဖြစ်ရလေအောင် နောက်လူငယ်တွေ ဆက်ခံတဲ့အခါမှာလည်း စည်းမျဉ်းစည်းကမ်းတွေ ၊ မူဝါဒတွေ အဲဒါတွေကို အခြေခံပြီးတော့ နောက်လိုအပ်သလိုလည်း ပြုပြင်ပြောင်းလဲနိုင်တဲ့ ဝိုင်းဝန်းဆွေးနွေးပြီးတော့ ပြင်ဆင်နိုင်တဲ့ အခြေနေမျိုး အဲဒီ Institution တစ်ခု ဖြစ်လာဖို့ ကျွန်တော်တို့ကတော့ ရည်ရွယ်တယ်။ ဆိုတော့ ဒါမှလည်းပဲ နောက်မျိုးဆက်တွေ လက်ကို ရောက်တဲ့ အခါမှာ သူတို့နဲ့ လိုက်လျောညီထွေ ဖြစ်တဲ့ ပုံစံကို သူတို့ကိုယ်တိုင် ဆွေးနွေးဆုံးဖြတ်နိုင်မယ်လို့ အဲလို မြင်ပါတယ်။
မေး။ နောက်တစ်ခုက ကျွန်တော် ဆက်စပ်ပြီးတော့ မေးပါရစေ။ ဒီ NLD ပါတီပေါ့နော် စပြီးတော့ ရွေးကောက်ပွဲဝင်တယ်လို့ ဆုံးဖြတ်တယ်။ ဆုံးဖြတ်ပြီးတော့ သူရဲ့အသံက ဘာလဲဆိုတော့ ဖွဲ့စည်းပုံ အခြေခံဥပဒေကို ပြင်မယ်ဆိုပြီးတော့ အန္တိမရည်မှန်းချက်နဲ့ လာပြီးတော့ သူက ရွေးကောက်ပွဲဝင်တယ်ပေါ့။ ဆိုတော့ ဦးကိုကိုကြီးတို့ရဲ့ ရည်မှန်းချက်က ဘာများ ဖြစ်မလဲ။
ဖြေ။ ဆိုတော့ အဓိကတော့ ကျွန်တော်တို့ နိုင်ငံရေးပါတီတွေ ထူထောင်တော့မယ်ဆိုလို့ ရှိရင် ယေဘုယျ အကျဆုံး အခြေခံမူတစ်ခုအဖြစ်နဲ့ ကျွန်တော်တို့လက်ခံထားတာက ဒါပြည်သူလူထူရဲ့ အကျိုးစီးပွားကို ရှေးရှုတဲ့မူဝါဒများ အပေါ် အခြေခံသော နိုင်ငံရေးပါတီလို့ ကျွန်တော်တို့က ဒီလိုမျိုး သတ်မှတ်ထားတယ်။ အဲတော့ ပြည်သူလူထူ အကျိုးစီးပွားကို ရှေးရှုတယ်ဆိုတာက စကားလုံးအားဖြင့် ယေဘုယျ ဆန်တယ်ဆိုပေမယ့် ကဏ္ဍအသီးသီးမှာ အကျုံးဝင်တယ်။ ပညာရေးပေါ်လစီ သတ်မှတ်တော့မယ် ဆုံးဖြတ်တော့မယ်ဆိုရင်လည်း ပြည်သူလူထူ အကျိုးစီးပွားကို ရှေးရှုရမယ်။ အလားတူပဲ ကျန်းမာရေး လမ်းတံတား အခြေခံ အဆောက်အဦ အခွန် အကောက် အစရှိသဖြင့် အဲဒီ ကဏ္ဍတိုင်း ၊ ကဏ္ဍတိုင်း ပတ်သက်ရင် ပြည်သူလူထုရဲ့ အကျိုးစီးပွားကို ရှေ့ရှုဖို့ သူတို့ရဲ့ အသံတွေကိုပါ တတ်နိုင်သလောက် ကိုယ်စားပြုဖို့ အဲဒါကို ရှေ့ရှုပြီးတော့ ဆောင်ရွက်သွားရမှာ ဖြစ်ပါတယ်။
မေး။ သတင်းစာရှင်းလင်းပွဲမှာ ဦးကိုကိုကြီးလည်း ပြောခဲ့တာ ရှိပါတယ်။ ဒီ ပြည်သူလူမှုဘဝ ဖွံ့ဖြိုးဖို့ပေါ့နော်။ ကျွန်တော်တို့က ဒီ NLD ကတော့ ပြောတာပေါ့နော်။ ဒီ ဖွဲ့စည်းပုံ အခြေခံဥပဒေကို ပြင်ဖို့ ရှိတယ်။ အဲတော့ ဒီ ဖွဲ့စည်းပုံ အခြေခံဥပဒေကို ပြင်မှ သာလျှင် ကျွန်တော်တို့နိုင်ငံဟာ ပိုပြီးတော့ ပြည့်ဝတဲ့ ဒီမိုကရေစီ ဖြစ်မယ်လို့ ပြောတယ်။ ဒါပေမယ့် ဦးကိုကိုကြီးတို့ကတော့ အဲဒါကို နောက်ထားပြီးတော့ လူမှုဘဝဖွံ့ဖြိုးတိုးတက်ဖို့ ပြည်သူ့လိုအပ်ချက် ဖြည့်ဆည်းဖို့ဆိုတော့ ကျွန်တော်တို့နိုင်ငံဟာ တကယ့် တကယ်ရော ပြည့်ဝတဲ့ ဒီမိုကရေစီနိုင်ငံ ဖြစ်လာပြီလား။ အဲဒါကို ကျွန်တော်တို့ မေ့ထားလို့ ရပြီလား။
ဖြေ။ နိုင်ငံရေးမှာ အငြင်းပွားကြတဲ့ အယူဆ နှစ်ခုရှိတယ်။ တစ်ခုတော့ တန်ဖိုးတွေကို အဓိက ထားတဲ့ အယူဆပေါ့။ နောက်တစ်ခုကတော့ လက်တွေ့ကျတဲ့ နိုင်ငံရေး ဆုံးဖြတ်မှု ချဉ်းကပ်မှု ဆိုပြီးတော့ အဲဒါမျိုး အယူဆတွေ ရှိတယ်။ ဆိုတော့ အမှန်က ဒီနှစ်ခုက ဆန့်ကျင်ဘက် မဟုတ်ဘူး။ ကျွန်တော်တို့ အမြင်ကပေါ့နော်။ ဆိုတော့ ကျွန်တော်တို့ ဒီမိုကရေစီ ပန်းတိုင်ရောက်အောင် သွားဖို့ဆို ကျွန်တော်တို့ ယုံကြည်တဲ့ တန်ဖိုးတွေက လက်လွှတ်စရာ မလိုဘူး။ ဒါဟာ အခိုင်အမာ ဆုပ်ကိုင်ထားရမယ်။ သို့သော် အဲဒီတန်ဖိုးတွေကို ရောက်အောင်သွားတဲ့ နေရာမှာ ကာလ အကန့်၊ တစ်ကန့်စီအလိုက် လက်တွေ့ကျတဲ့ ဆုံးဖြတ်မှုတွေ ချဉ်းကပ်မှုတွေ ဖြစ်ဖို့လိုတယ်။ အဲတော့ ဒီဖွဲ့စည်းပုံအခြေခံဥပဒေနဲ့ ပြောရင် ကျွန်တော်တို့ ၊ ကျွန်တော်တို့ ၆၅ နှစ်နဲ့ ၆ လ ထောင်ကျခဲ့တာဟာ အဲဒီ ညောင်နှစ်ပင်ညီလာခံကို ဆန့်ကျင်တာက အဓိကပဲ။ လမ်းပေါ်တက် ဆန္ဒပြတယ်ဆိုတာက ဒါက လတ်တလော အကြောင်းပြချက်။ တကယ်က အဲဒီ တစ်လျှောက်လုံးမှာ ကျွန်တော်က တစ်ဖက်သတ်ရေးဆွဲတဲ့ ညီလာခံကို လက်မခံဘူးဆိုတာကို ပွင့်ပွင့်လင်းလင်း ဝေဖန်ခဲ့တဲ့ အတွက်ကြောင့် ကျွန်တော်တို့က ထောင်ကျတာ။ ဒါကြောင့်မို့ ဒီဖွဲ့စည်းပုံ အခြေခံဥပဒေထဲမှာ ကျွန်တော်တို့ မကြိုက်တာ ပြင်ချင်တဲ့ အချက်တွေ အများကြီးပါတယ်။ အဲဒါတွေ ပြင်ဖို့အတွက်က ဦးတည်ချက်တစ်ခုအနေနဲ့ သွားရမယ်။ အဲဒီ အတောတွင်းမှာပဲ ဥပမာအားဖြင့် လွှတ်တော်ထဲမှာ ထက်ဝက်ကျော် ဆန္ဒမဲနဲ့ ပြင်ဆင်နိုင်တဲ့ ပြဋ္ဌာန်းနိုင်တဲ့ အခွင့်အလမ်း ကျွန်တော်တို့မှာ ရတယ်။ ဖွဲ့စည်းပုံ အခြေခံဥပဒေ ပြင်ဆင်ရေးကလွဲပြီးတော့ ပညာရေး၊ ကျန်းမာရေး၊ အခြေခံအဆောက်အဦ၊ ရင်းနှီးမြှုပ်နှံမှု ငွေကြေးစနစ်၊ ဖွံ့ဖြိုးတိုးတက်ရေး ကိစ္စ အစရှိသဖြင့် ဒါတွေအားလုံးဟာ ၅၀ ရာခိုင်နှုန်း ကျော် ဆန္ဒမဲနဲ့ ပြင်နိုင်တယ်၊ ဖြစ်နိုင်တယ်၊ အသစ်ပြဋ္ဌာန်းနိုင်တယ်။ ဆိုတော့ အဲဒီ အခွင့်အလမ်းကိုလည်း မိမိရရ ကျင့်သုံးပြီးတော့ ပြည်သူလူထုနဲ့ နေ့စဉ်ဘဝနဲ့ ဆက်စပ်နေတဲ့ ကိစ္စတွေကို ဒါတွေကိုကို ကျွန်တော်တို့က တစ်ဖက်ကနေ ဆောင်ရွက်သင့်တယ်။ အဲလို ဆောင်ရွက်ရင်းနဲ့ အခုနက ပြောတဲ့ အမျိုးသားပြန်လည်သင့်မြတ်ရေးကို လုပ်တဲ့အခါမှာ အတူပူးပေါင်းဆောင်ရွက်နိုင်တဲ့ နယ်ပယ်တွေ ကျယ်လာတာနဲ့အမျှ ကွာဟမှုတွေကလည်း တစ်ဖြေဖြေးနဲ့ ကျလာမယ်လို့ ကျွန်တော်တို့ကတော့ မြင်တယ်။ ဒါကြောင့်မို့လို့ ဖွဲ့စည်းပုံ ပြင်ရေးဆိုတာ မဖြစ်မနေ လုပ်ကို လုပ်ရမယ်။ အထူးသဖြင့် ဖက်ဒရယ်ပြည်ထောင်စုတည်ထောင်ရေးဟာ လက်ရှိဖွဲ့စည်းပုံထဲကနေပြီးတော့ ကျွန်တော်တို့ ဆောင်ရွက်လို့ မရဘူး။ ဆိုတော့ အခြားကိစ္စတွေမှာလည်း ဖွဲ့စည်းပုံရဲ့ အကျပ်အတည်း အဟန့်အတားတွေ ရှိတယ်။ ဆိုတော့ အဲလို လုပ်တဲ့ အခါမှာ အခုနက ပြောတဲ့ အဆင့်တိုင်း အဆင့်တိုင်းမှာ လက်တွေ့ကျတဲ့ ချဉ်းကပ်မှုတွေနဲ့ လူထုရဲ့ နေ့စဉ်ဘဝကို ထင်ဟပ်တဲ့ ဆုံးဖြတ်ချက်တွေ ချဉ်းကပ်မှုတွေ ဖြစ်ဖို့ လိုတယ်လို့ အဲလို မြင်ပါတယ်။
မေး။ ဟုတ်ကဲ့ ကျွန်တော် ရှေ့နည်းနည်းလေး ဆက်သွားအုံးမယ်ခင်ဗျ။ ကျွန်တော်ကြားဖြတ်ရွေးကောက်ပွဲတော့ မမီတော့ဘူးပေါ့နော်။ ၂၀၂၀ ကို မှန်းပြီးတော့မှ လုပ်တယ်ပေါ့။ သုံးနှစ်လိုသေးတယ်ပေါ့နော်။ ဒီကြားထဲမှာ ဘာတွေများ ပြင်ဆင်ထားမယ်။ ဒီပါတီ တစ်ရပ်အနေနဲ့ ဆိုကြပါစို့ ပါတီဝင်လက်ခံတာပဲ ဖြစ်ဖြစ်၊ ပါတီမူဝါဒတွေ ချပြတာပဲ ဖြစ်ဖြစ် ၂၀၂၀ အတွက် ကြိုပြင်တာပဲ ဖြစ်ဖြစ် ဘာတွေများ လုပ်ဖို့ ရှိအုံးမလဲ။
ဖြေ။ အခုကျွန်တော်တို့ အားလုံးကို ဖိတ်ခေါ်ထားတဲ့ ဟာက ပထမဦးဆုံး အဆင့်ပေါ့။ ပါတီမူဝါဒတွေ ပါတီဖွဲ့စည်းတည်ဆောက်ပုံတွေကို ဆုံးဖြတ်ကတည်းက အမြင်အသီးသီးကို စုစည်းဖို့ဆိုတဲ့ ရည်ရွယ်ချက်နဲ့ ကျွန်တော်တို့က အခုလာမယ့် မတ်လ ၃၀၊ ၃၁ မှာ တွေ့ဆုံဆွေးနွေးပွဲဆိုတာ ဖိတ်ခေါ်ထားတယ်။ အဲတော့ ပြည်တွင်းကရော၊ ပြည်ပကရော နယ်ဒေသတွေကပါ သူတို့ရဲ့ သဘောထားတွေကို စာနဲ့ဖြစ်စေ အီးမေးနဲ့ ဖြစ်စေ လူကိုယ်တိုင်ဖြစ်စေပေါ့ ။ အဲလို ဆွေးနွေးပြီးတော့မှ ဒါပါတီအတွက် လိုအပ်တဲ့အခြေခံမူဝါဒတွေ ပါတီဖွဲ့စည်း တည်ဆောက်ပုံဆိုင်ရာ အဆိုပြုချက်တွေကို ကျွန်တော်တို့ ရရှိမှာ ဖြစ်ပါတယ်။ အဲဒါပြီးရင် ပါတီတည်ဆောက်ရေး တကယ်ဖွဲ့စည်းဖို့အတွက် မူဝါဒတွေကို ပြဋ္ဌာန်းပြုစုတဲ့ အစုဖွဲ့တစ်ခု ပြောရရင်တော့ သဘောမျိုး စလာမယ်။ ပြီးတော့မှ ပါတီ မှတ်ပုံတင်ခြင်း၊ ရုံးခန်းဖွင့်ခြင်း၊ ပြီးတော့မှ ပါတီဝင်လက်ခံခြင်း၊ အစရှိသဖြင့် တစ်ဆင့်ခြင်းတစ်ဆင့် သွားပါမယ်။ အဲတော့ ပြောရရင်တော့ ၂၀၁၈ / ၂၀၁၉ ကတော့ နယ်ဒေသ အသီးသီးမှာပါ။ ပါတီ တည်ဆောက်ရေးနဲ့ ပတ်သက်တဲ့ လုပ်ငန်းတွေ လုပ်ဆောင်သွားမှာပါ။
မေး။ ကျွန်တော်တို့ ဒီ ပြီးခဲ့တဲ့ အခြေနေတွေကို ပြန်ကြည့်မယ်ဆိုရင် SNLD နဲ့ NLD ဟာ မိတ်ဖက်ဆိုပြီးတော့ သူတို့ ပူးပေါင်းပြီးတော့ မဲဆွယ်ခဲ့တာ ရှိတယ်။ ပူးပေါင်းခဲ့တာ ရှိတယ်။ သမိုင်းအစဉ်အဆက်ကလည်း ဒါမျိုး ပူးပေါင်းခဲ့တာ ရှိတယ်။ အဲတော့ ဦးကိုကိုကြီးတို့ကလည်း ဒီ NLD နဲ့ အင်မတန်မှ နီးစပ်တဲ့ ပုဂ္ဂိုလ် ဖြစ်နေတော့ ဒီ အသစ်ထွက်လာမယ့် ဦးကိုကိုကြီးတို့ရဲ့ နိုင်ငံရေးပါတီပေါ့နော် NLD နဲ့ကြတော့ ဘယ်လို ဆက်ဆံရေး ဖြစ်နိုင်လဲ။
ဖြေ။ ကျွန်တော်တို့က ရေရှည် ဦးတည်ချက် တစ်ခုတည်းမှာ သွားခဲ့ကြတဲ့ အဖွဲ့စည်းတွေ လူပုဂ္ဂိုလ်တွေ အနေနဲ့ မဟာမိတ်ဆက်ဆံရေးကို ဆက်လက်ပြီးတော့ ထိန်းသိမ်းဖို့ မြှင့်တင်ဖို့ ကျွန်တော်တို့ မဟာမိတ်မူဝါဒနဲ့ ပတ်သက်လုိ့ ကျွန်တော်တို့ ဒီလို စဉ်းစားထားပါတယ်။ တစ်ချိန်တည်းမှာပဲ အမျိုးသား ပြန်လည်သင့်မြတ်ရေးမှာကြတော့ အရင်တုန်းက တစ်ဖက်စီ ဖြစ်ခဲ့တဲ့ ပုဂ္ဂိုလ်များ အင်အားစုများနဲ့ပါ ပြန်လည်သင့်မြတ်ရေးက ဒါဟာ နောက်ထပ် ပေါ်လစီ တစ်ခု ဖြစ်ပါတယ်။ ဒါကြောင့် နိုင်ငံရေးပါတီ တစ်ရပ်အနေနဲ့ မဟာမိတ် မူဝါဒ ရှိမယ်။ ပြီးတော့ အမျိုးသား ပြန်လည်သင့်မြတ်ရေး ဆိုင်ရာ မူဝါဒ ရှိမယ်။ အဲလိုမျိုး ကျွန်တော်တို့ အဆင့်ဆင့် ဆောင်ရွက်သွားရမှာ ဖြစ်ပါတယ်။
မေး - ဦးကိုကိုကြီးလည်း အကျဉ်းထောင်ထဲမှာ နှစ်တော်တော်ကြာနေခဲ့ရတာဆိုတော့ ဦးကိုကိုကြီးတို့ အကျဉ်းထောင်ထဲမှာ နေခဲ့တဲ့အချိန်မှာပဲ ဖုန်းတွေပေါ်လာတယ်။ လူငယ်တွေဆို တက်တူးထိုးလာတယ်။ အစရှိသဖြင့် တချို့တွေဆိုရင် အရင်တုန်းကတော့ ဦးကိုကိုကြီးတို့ ခေတ်က လက်ဘက်ရည်ဆိုင်ကို သွားထိုင်ကြတယ်ပေါ့နော်။ အခုဆိုရင် ဂိမ်းဆိုင်တွေသွားကြပြီ ဆိုတာမျိုး။ ဒါမျိုးပြောင်းလဲလာတယ် ဆိုတော့ ဒီ နည်းနည်းလေး လစ်ဟာနေတယ်လို့ ကျွန်တော်တော့ထင်တယ်။ အဲဒီတော့ လူငယ်တွေနဲ့ပတ်သက်ပြီးတော့ ပါတီအနေနဲ့ စဉ်းစားထားတာ ဘာတွေများရှိနိုင်မလဲ။
ဖြေ - ကျွန်တော်တို့ ကိုယ်တိုင်လည်း (၈၈) မတိုင်ခင်ကထဲက အပြောင်းအလဲတွေ ကြုံခဲ့ရတာပဲ။ ကျွန်တော်တို့ (၈၈) အရေးတော်ပုံတုန်းကဆိုရင် ဂျင်းဘောင်းဘီ ဝတ်တာတို့၊ ရေဘင် မျက်မှန်တို့နဲ့ နိုင်ငံခြားစီးကရက်တို့ကအစ ပြောရရင်တော့ နည်းနည်းမျက်စိစပါးမွှေးစူးတဲ့ အဖြစ်မျိုး ဖြစ်ခဲ့တာပေါ့။ ဒီဟာက သဘာဝပဲလို့ ကျွန်တော်မြင်တယ်။ အထူးသဖြင့် Globalization မှာ ကူးလူးဆက်ဆံမှု များလာတာနဲ့အမျှ ဒီယဉ်ကျေးမှုဆိုင်ရာ ဝတ်စားဆင်ယင်မှုဆိုင်ရာတွေ ကျွန်တော်တို့ဆီကို ဝင်လာတာတွေ ရှိမှာပါ။ အဲဒီနေရာမှာ ကျွန်တော်တို့က ဘာတွေကို ထိန်းသိမ်းမလဲ၊ ဘာတွေကို ငြင်းပယ်မလဲဆိုတာက အဲဒါက အရေးကြီးတယ်လို့ထင်တယ်။ ဆိုတော့ မြန်မာလို့ ဖြစ်နေတာကိုယ်၌က ကိုယ့်ရဲ့သီးခြား အမှတ်အသားသရုပ်ရှိလို့ နိုင်ငံတကာ မိသားစုထဲမှာ မြန်မာဆိုတာ ဖြစ်နေတာ။ ကိုယ့်ရဲ့ အမှတ်အသားသရုပ်ကို ထိန်းသိမ်းဖို့ကိုတော့ လူငယ်တွေကို ကျွန်တော်တို့က တဖက်က ဆွေးနွေးဖို့ လိုမယ်။ နောက်တစ်ခုကတော့ ကိုယ့်နိုင်ငံ ဖွံ့ဖြိုးတိုးတက်ဖို့အတွက် လိုအပ်တဲ့ နည်းပညာတို့၊ တခြား ကျွန်တော်တို့ အုပ်ချုပ်ရေး၊ နိုင်ငံရေး၊ စီးပွားရေးစနစ်တွေက အစ အဲဒါတွေကျတော့ ကျွန်တော်တို့က ကိုယ့်နိုင်ငံအတွက် အကျိုးရှိအောင် အသုံးချဖို့ လိုတယ်။ အဲဒီတော့ ဝတ်စားဆင်ယင်မှုကိစ္စမှာကတော့ လျှပ်ပေါ်လော်လီတဲ့ သိပ်ပြီး ရုပ်ပျက်ဆင်းပျက်တဲ့ ကိစ္စမျိုးကလွဲလို့ ခေတ်အလိုက် ဖက်ရှင်တွေပြောင်းလာတာကတော့ ကျွန်တော်တို့ သဘာဝပဲရှိနေတာပဲ။ အဲဒီတော့ အထူးသဖြင့်ကတော့ လူငယ်တွေနဲ့ပတ်သက်လို့ သူတို့ ဘယ်လိုစဉ်းစားလဲ။ ဘာ ရုပ်ရှင်တွေကြည့်သလဲ၊ ဘာ စာအုပ်တွေ ဖတ်သလဲဆိုတာတွေကိုလည်း ကျွန်တော်တို့ နိုင်ငံရေးပါတီတစ်ခုအနေနဲ့ မျက်ခြေမပြတ်ဖို့ လိုတယ်။ ကျွန်တော် ထောင်ထဲမှာ ဖတ်ခဲ့ရတဲ့ ဆောင်းပါးလေးတစ်ပုဒ်ဆိုရင် ကျွန်မဖိုးဖိုး ရင့်ဆက်ရာဗင် ဆိုပြီးတော့ ရင့်ဆက်ရာဗင်ရဲ့ မြေးမလေးက ရေးတဲ့ဟာ။ သူတို့ စနေ၊ တနင်္ဂနွေမှာ သူငယ်ချင်းတွေကို အဖိုးက တမင်တကာ အိမ်မှာ လာခေါ်ပြီးတော့ ဆော့ခိုင်းတယ်၊ ကစားခိုင်းတယ်။ ပြီးတော့ ဖိုးဖိုး ရင့်ဆက်ရာဗင်က သူ့ မြေးမလေးတွေ အသက်အရွယ်မှာ ဘာသီချင်းနားထောင်လဲ၊ ဘာရုပ်ရှင်ကြည့်သလဲ၊ ဘာစာအုပ်ကြိုက်သလဲ ဆိုတာတွေကို လေ့လာတယ်ဆိုတာတွေ အဲဒါလေးက သိပ်ချစ်ဖို့ ကောင်းတယ်။ ဒါကြောင့်မို့ ကျွန်တော်တို့က လူငယ်တွေနဲ့ ပတ်သက်ရင် နားလည်မှုရှိဖို့ဆိုတာက သူတို့ ဘာတွေနဲ့ ကြီးပြင်းနေသလဲ။ ဘာတွေဖတ်သလဲ၊ ဘာတွေနားထောင်သလဲ၊ ဘာတွေ ကြည့်သလဲ၊ ဘာတွေ တွေးသလဲ။ အဲဒါတွေကို ကျွန်တော်တို့ မျက်ခြေမပြတ်အောင် လုပ်ဖို့လိုမယ်လို့ ကျွန်တော် အဲလိုမြင်ပါတယ်။
မေး - ဒီဟာနဲ့ ဆက်စပ်ပြီးတော့ပေါ့။ ကျွန်တော်တို့ နိုင်ငံတစ်ခုလို့ ပြောလို့ရှိရင် မေ့ထားလို့မရတာက အမျိုးသမီးတွေပေါ့။ ဒီ Gender Issue နဲ့ ပတ်သက်ပြီးတော့ရော ဘာတွေများစဉ်းစားထားတာရှိလဲ။ ဒီ ပါတီမူဝါဒမှာ ချိတ်ဆက်ပြီးတော့ ပြောရမယ်ဆိုရင် ပြောပါဦး။
ဖြေ - ကျွန်တော်တို့ကလေ နိုင်ငံတကာနဲ့ နှိုင်းယှဉ်ကြည့်တဲ့အခါမှာ မြန်မာနိုင်ငံမှာရှိတဲ့ အမျိုးသမီးတွေရဲ့ အခန်းကဏ္ဍဟာ သူများနိုင်ငံတွေမှာ ခွဲခြားဆက်ဆံတယ်။ နေရာမပေးဘူးဆိုတာမျိုးတောင် မရှိဘူးလို့ ကျွန်တော်မြင်တယ်။ ဆိုတော့ တစ်ခုပဲ။ အမျိုးသမီးတွေကို Enpower လုပ်ဖို့လိုတယ်။ အထူးသဖြင့် နိုင်ငံရေးနယ်ပယ်မှာဆိုရင် အမျိုးသမီး နည်းတယ်။ ဘာဖြစ်လို့လဲဆိုတော့ သဘာဝအရကိုယ်၌က အန္တရာယ်ရှိတယ်။ နိုင်ငံရေးလုပ်ရင် အဖမ်းခံရတယ်။ ညှင်းပန်းနှိပ်စက်ခံရတယ်ဆိုတော့ ဝင်လာတဲ့ မိန်းကလေးဆိုတဲ့ဟာက တော်တော် ထက်ထက်မြတ်မြတ် စွန့်စွန့်စားစား မိန်းကလေးမျိုးပဲ လာတော့ အရေအတွက်ကိုက ယောကျာ်းလေးထက်စာရင် နည်းတယ်။ သို့သော် အရည်အချင်းချင်းတူရင် အမျိုးသမီးက ပိုပြီးတော့ ပရိသတ်အာရုံစိုက်မှု၊ စွဲဆောင်မှုရှိတော့ သူတို့က ယောကျာ်းလေးထက်တောင် အရည်အချင်းတူရင် ပိုပြီးတော့တောင် သာတယ်။ အခွင့်အလမ်းပိုရတယ်လို့ ကျွန်တော်ကတော့ အဲလိုမြင်တယ်။ အဓိက,က အမျိုးသမီးတွေနဲ့ ပတ်သက်ရင် သူတို့ရဲ့ အရည်အချင်း၊ သူတို့ရဲ့ စွမ်းဆောင်မှုပေါ့။ အဲဒါတွေ မြင့်တက်လာအောင် ဆောင်ရွက်နိုင်တာနဲ့အမျှ အမျိုးသမီးပါဝင်မှုကလည်း မြင့်တက်လာမယ်လို့ အဲလိုမြင်ပါတယ်။
မေး - ပါတီရဲ့ မူဝါဒကိုပဲ ဆက်ပြီးတော့ မေးပါရစေ။ ပါတီရဲ့ မူဝါဒကို အတိုချုပ်ပြောရမယ်ဆိုရင် ဘာများဖြစ်မလဲ။
ဖြေ - အခြေခံအကျဆုံး ယေဘုယျအကျဆုံး ဆိုပေမယ့် အရေးကြီးဆုံးပါပဲ။ ကျွန်တော်တို့က Pro People ပေါ့။ ပြည်သူလူထုကို မျက်နှာမူတဲ့၊ ပြည်သူလူထုရဲ့ အကျိုးစီးပွားကို ရှေးရှူတဲ့ အခြေခံမူ အပေါ်မှာ ရပ်တည်သွားမယ်။ အဲဒီဟာရဲ့ နောက်ဆက်တွဲက အများကြီးကျယ်ပြန့်ပါတယ်။ ပညာရေး၊ ကျန်းမာရေး၊ လမ်းတံတား၊ အခွန်အကောက်ကစပြီးတော့ အားလုံးဟာ ပြည်သူလူထုရဲ့ စီးပွားကို ရှေးရှူရမယ်ဆိုတဲ့ မူကနေ ဖြာထွက်သွားမှာ ဖြစ်တယ်။ အသေးစိတ် မူဝါဒတွေကတော့ ကျွန်တော်တို့ ပါတီ ဖွဲ့စည်းတဲ့အခါ ထုတ်ပြန်တဲ့ မူဝါဒတွေရှိမယ်။ လက်တွေ့ဆောင်ရွက်ခွင့်ရတဲ့ အခါမှာ Issue by Issue အသေးစိတ် ထုတ်ပြန်ရမယ့် ကြေညာရမယ့် မူဝါဒတွေရှိမယ်။
မေး - ကျေးဇူးတင်ပါတယ်။ အဲဒီတော့ ဘာများဖြည့်ပြောစရာရှိဦးမလဲ မသိဘူးခင်ဗျ။
ဖြေ - ကျွန်တော်တို့က ၈ လေးလုံး ကြွေးကြော်သံဖြစ်တဲ့ ဒီမိုကရေစီ ရရှိရေး ဆိုတာဟာ အင်မတန် ကျယ်ပြန့်ပါတယ်။ နက်ရှိုင်းပါတယ်။ ဘာကြောင့်လဲဆိုတော့ ဒီမိုကရေစီဆိုတာ ဗဟုဝါဒ ထွန်းကားအောင် လုပ်ရတာ။ နောက်တစ်ခုက ဗဟုဝါဒ ထွန်းကားမှလည်းပဲ အပြန်အလှန် ထိန်းညှိတဲ့ စနစ်တစ်ရပ်ပေါ်လာမှာ။ ဒါကြောင့်မို့ ကျွန်တော်တို့ နိုင်ငံရေးပါတီတစ်ရပ် ပေါ်ပေါက်လာတာဟာ အခုလောလောဆယ် ပထမအဆင့်က အရင်စနစ်ဟောင်းကို ဖယ်ချလိုက်တဲ့ တွန်းချလိုက်တဲ့ အဆင့်တစ်ဆင့်ပဲ။ ဒါ အတိုင်းအတာတစ်ခုထိ ကျွန်တော်တို့ ရောက်လာခဲ့ပြီ။ နောက်တစ်ဆင့်ကတော့ ကျွန်တော်တို့က လူထုက ပါတီတွေ A B C D E အစရှိသဖြင့် ရှိတဲ့အထဲကမှ ဘယ်သူ့ကို ပိုကြိုက်လို့ ရွေးချယ်လဲဆိုတာ နောက်ထပ် နိုင်ငံရေးယဉ်ကျေးမှု အဆင့်တစ်ခုထိ ကျွန်တော်တို့က ဆက်ပြီးတော့ ကြိုးစားကြဖို့ လိုပါတယ်။ အခုကတော့ များသောအားဖြင့်က Protest Vote လို့ ခေါ်တာပေါ့။ တဖက်ကို ဆန့်ကျင်ကြောင်း တဖက်ကို ထောက်ခံပြီး ပြသတယ်ဆိုတဲ့ အခြေအနေမျိုး ကနေပြီးတော့ နောက်တဆင့်မှာက Prefer Vote ပေါ့။ အားလုံးထဲမှာမှ ဘယ်သူ့ကို မုန်းလို့ မကြိုက်လို့ ငြင်းပယ်တာမဟုတ်ဘူး။ သူ့မှာလည်း ကောင်းတာလေးတွေရှိတယ်။ သူ့မှာလည်း ကောင်းတာလေးတွေရှိတယ်။ အဲဒီထဲမှာမှ ဘယ်သူ့ကိုတော့ ပိုပြီးတော့ ကြိုက်လို့ ၊ မျှော်လင့်လို့ ဒီသက်တမ်းအတွက် ဒီ ၅နှစ်စာအတွက် ရွေးချယ်တယ်ဆိုတဲ့ ယဉ်ကျေးမှုဖြစ်လာအောင် ကျွန်တော်တို့က ဆက်ပြီးတော့ ကြိုးစားသွားရမှာ ဖြစ်ပါတယ်။ အဲဒီတော့ ကျွန်တော်တို့ကတော့ ဆရာကြီး ဒဂုံတာရာရဲ့ အဆိုအမိန့်ကိုပဲ ပြောရရင် “မုန်းသူမရှိ၊ ချစ်သူသာရှိ” ဆိုတဲ့ အားလုံးကို မိတ်ဖက်ဆက်ဆံရေး ပိုမိုပြီးတော့ ကျယ်ပြန့်လာဖို့အတွက်ကို ဦးတည်ချက်ထားပြီး ဆောင်ရွက်သွားမှာပါ။
မဇ္ဈိမ ရုပ်မြင်သံကြားကို ကြည့်ရှု့အားပေးနေကြတဲ့ မဇ္ဈိမ ပရိသတ်များအားလုံးပဲ ကျေးဇူးတင်ပါတယ်ခင်ဗျာ။ ကျွန်တော် ၈၈ မျိုးဆက်ကျောင်းသားတစ်ဦးဖြစ်တဲ့ ဦးကိုကိုကြီးနဲ့ တွေ့ဆုံမေးမြန်းခဲ့တာပဲ ဖြစ်ပါတယ်ခင်ဗျာ။ နောက်များကိုလည်း ဒီထက်ကောင်းတဲ့ အစီအစဉ်တွေ ဆက်လက်ပြီးတော့ တင်ဆက်ပေးပါဦးမယ်။ ကျေးဇူးတင်ပါတယ်ခင်ဗျ။
