ပြဿနာကို ရှောင်ရင် တိုင်းပြည် ပိုမှောင်တော့မည်
Popular Choice ဆိုသည်က ပေါ်ပြူလာနယူးစ်၏ ရွေးချယ်မှုဟူသည်ထက် တစ်ပတ်အတွင်းဖြစ်ခဲ့သော ထူးခြားမှုများအနက် အများပြည်သူ စာဖတ်သူတို့အတွက် အရေး ပါသော၊ အများပြည်သူအပေါ် အသက်ရောက်ဆုံး ဖြစ်စေသော အကောင်းအဆိုး တစ်စုံတစ်ရာကို လုပ်ဆောင်ခဲ့သော လူပုဂ္ဂိုလ်ဖြစ်စေ၊ အဖြစ်အပျက်တစ်ခုခုကိုဖြစ်စေ၊ တီထွင် ဆန်းသစ်မှု သို့မဟုတ် လူသုံးကုန်ပစ္စည်းတစ်ခုခုကိုဖြစ်စေ ပေါ်ပြူလာအဖြစ်ဆုံးဟု ယူဆသည့်အကြောင်းကို ရွေးချယ်တင်ဆက်ခြင်းဖြစ်ပါသည်။တစ်ပတ် အတွင်း ဖြစ်ပွား ခဲ့သည်တို့မှ ကောက်နုတ်တင်ဆက်ခြင်းဖြစ်ရာ စာဖတ်သူတို့၏ အကြိုက်နှင့် ကွဲလွဲကောင်း ကွဲလွဲနိုင်သော်လည်း ထိုကွဲလွဲမှုသည်ပင် မတူညီသော အမြင်များကို သုံးသပ်နိုင် သည်ဖြစ်၍ အသိညဏ်နှင့် ရှုထောင့်များသုံးသပ်နိုင်မှု ပိုမိုကျယ်ပြန့်လာစေရန်လည်း ရည်ရွယ်ပါသည်။ အထူးသဖြင့်မူ ပေါ်ပြူလာနယူးစ်၏ စာဖတ်ပရိသတ် တို့ အတွက် ရင်းနှီးရ သောအချိန်နှင့် ငွေကြေးအကျိုးမဲ့ မဖြစ်စေဘဲ တစ်ပတ်အတွင်း ထူးခြားမှုတို့ကို သိမ်းဆည်းမှတ်တမ်းပြုနိုင်ရန် ဖော်ပြခြင်းဖြစ်ပါသည်။
အစိုးရသစ် အစဉ်တစိုက် ကြွေးကြော်ခဲ့သော ၂၁ ရာစုပင်လုံ ညီလာခံကတော့ အမှန်တကယ် စတင် နိုင်ခဲ့ပြီဖြစ်သလို ကနဦး နိဒါန်းခရီးလည်း ပြီးခဲ့ပြီဖြစ်သည်။ ပင်လုံဟု ဆိုတော့ ဤရက်များ အတွင်း မီဒီယာအနှံ့ မြင်တွေ့ရဖန် များ၍ ရိုးအီကောင်း အီကြမည်။ တကယ်တော့ ပင်လုံအရေးအရပင် ဆိုသော်ငြား အမှတ်မဲ့ဖြစ်ကာ ကျော်သွားရန် မသင့် ၍ ရေးရခြင်း ဖြစ်ပါသည်။
ဝင်ထိုင် မနေသော်လည်း အားလုံးနှင့် ဆိုင်သည်
၂၁ရာစု ပင်လုံညီလာခံနှင့် ပတ်သက်၍ အများစုအနေဖြင့် ဤအရေးသည် တပ်မတော်နှင့် တိုင်းရင်းသား လက်နက်ကိုင်များ ကြားမှ ပြဿနာ သက်သက်ဟု ထင်ကြသည်လည်း ရှိသည်။ အစိုး ရ၏ တာဝန်သက်သက်ဟု ယူဆ သူများလည်း ရှိမည်။ မမှားပါ။ အစိုးရဟူသည် အာဏာနှင့် လုပ် ပိုင်ခွင့် အပ်နှင်းခံထားရသူများ ဖြစ်ရာ တာဝန်အပြည့်ရှိသည်က အမှန်ဖြစ်သည်။ သို့သော် မြန်မာ နိုင်ငံ၏ နိုင်ငံရေး အနေအထားက ထိုမျှလောက် မရိုးစင်းပါ။ အဓိက အားဖြင့် အခိုင်အမာရေးဆွဲထား သော ၂ဝဝ၈ ဖွဲ့စည်းပုံအခြေခံ ဥပဒေ အရ ပင်လုံညီလာခံသည် မျှော်မှန်း ထားသည်ထက်ပင် ခက် ခဲလိမ့်ဦးမည် ဖြစ်သည်။ ဤ အနေအထားကိုလည်း ပြီးခဲ့သည့် ညီလာခံတွင် ဖတ်ကြား ကြသည့် ကိုယ်စားပြုရာ အလိုက် စာတမ်းများအရ သိနိုင်ပါသည်။ ထို့ပြင် အချို့သော တိုင်းရင်းသား များ၏ တောင်းဆိုမှု ဖြစ်စေလိုမှုတို့ အရလည်း ရှေ့ဆက်ရမည့် လမ်း အတွက် ခရီးကြမ်း အခြေအနေ ကို ကြိုတွေးနိုင်ကြမည် ဖြစ်သည်။ ထိုသို့ဆိုပါလျှင် လာလတ္တံသော အနာဂတ်အတွက် မည်သို့ဆောင် ရွက်ကြရမည်နည်း ဟူသော မေး ခွန်းရှိပါလိမ့်မည်။ အမျိုးမျိုးသော အကြံ ညဏ်၊ အတွေ့အကြုံများအရ နည်းလမ်းများ စွာလည်း ပေါ်လာ နိုင်ပါသည်။ သို့သော် အထက်တွင် ဆိုခဲ့သည့်အတိုင်း အမှတ်တမဲ့ပြီးပျောက်ကျော်လွှား မသွားစေလိုေ သာ ကျောရိုးတစ်ခုရှိနေပါသည်။ ထို့ကြောင့်ပင် အထူး ချဉ်းကပ် သတိပေးလိုခြင်း ဖြစ်ပါ၏။
တိတိကျကျဆိုရပါလျှင် ပင်လုံညီလာခံ နောက်ဆုံးနေ့တွင် ပြောကြားသော ဒေါ်အောင်ဆန်းစု ကြည်၏ မိန့်ခွန်းသည် မြန်မာ့နိုင်ငံ ရေးအတွက်သာမက မြန်မာလူမှု အဖွဲ့အစည်း အတွက်လည်း စံထား တွေးတောစရာ အဖြေပင် ဖြစ် သည်။ အဘယ့်ကြောင့်ဆိုသော် ထို အတိုင်း ဖြစ်ပျက်နေကြသော အရိုးစွဲမှုများနှင့်သာ ဆိုပါက မည်သည့် အရာ မှ ရှေ့ရောက်တော့မည် မဟုတ်၍ဖြစ်၏။ပင်လုံညီလာခံကို ရုပ်သံ မီဒီယာများမှ တိုက်ရိုက် ထုတ်လွှင့် သည့်တိုင် သေချာစောင့်ကြည့်လေ့ လာကြသူတို့ နည်းပါမည်။ ပြည် သူ များထဲတွင် ပို၍ နည်းပါးမည် ဟုယူဆရပါသည်။ အဘယ့်ကြောင့် ဆိုသော် ဤကဲ့သို့သော အလေ့ အထမျိုး နည်းပါး၍ ဖြစ်သည်။ သို့ရာတွင် ဒေါ်အောင်ဆန်းစုကြည် ကတော့ မျက်ကွယ်ပြုမ ထားပါ။ မထားသည့်အပြင် ပြည်သူက အဓိကနေရာတွင် ပါဝင်နေကြောင်း ကိုလည်း အားလုံးကို သတိပေး လိုက်ပါသေးသည်။
”အခု ဒီညီလာခံကြီးအတွင်း မှာဆွေးနွေးခဲ့တဲ့အရာအားလုံးကို ပြည်သူလူထုသိနိုင်အောင်လို့ ကျွန်မတို့လွှင့်ပေးပါတယ်။ဒီလိုလွှင့် ပေးခြင်းအားဖြင့် ပြည်သူလူထုဟာ ကျွန်မတို့ ရဲ့ ငြိမ်းချမ်းရေးညီလာခံ ထဲမှာ မဖြစ်မနေ ပါဝင်ရမယ့် ပုဂ္ဂိုလ်များ ဖြစ်တယ်ဆိုတာကို နားလည်စေချင်တယ်။ ပြည်သူ များအနေနဲ့ ကျွန်မတို့ငြိမ်းချမ်းရေး ရဖို့ဘယ်လို အခက်အ ခဲတွေ ကျော် လွှားဖို့လိုမလဲဆိုတာကို နားလည် စေချင်တယ်။ အခက်အခဲတွေရှိ တယ်ဆိုတာ သိမှ ဒီအခက်အခဲ တွေကို ဘယ်လို ကျော်လွှားရမလဲ ဆိုတဲ့အဖြေကို ကျွန်မတို့ ရှာနိုင်မှာ ဖြစ်ပါတယ်”ဤစကားက အားလုံးအမှတ် မဲ့မနေကြဘဲ ဂရုတစိုက်လေ့လာ ခြင်းဖြင့် တကယ်တမ်းရင်ဆိုင်နေ ရသော အခက်အခဲများကို ပကတိ အတိုင်း သိမြင်ကာ အဖြေရှာတတ် ကြမည်၊ မည်သည့်နေရာမှ ပါဝင် လာ နိုင်ကြမည်ဆိုခြင်းကို နှိုး ဆော်လိုက်ခြင်းဟု ယူနိုင်ပါသည်။ ပွင့်လင်းမြင်သာမှု မရှိအောင် ဖုံး ကွယ်ထားခြင်း မဟုတ်၍ အားလုံး ၏ ရပ်တည်ချက်နှင့် သဘောထား ကို အတိုင်းသားသိမြင်ခဲ့ကြခြင်းက အဖိုးတန်သော အကျိုးအမြတ် တစ်ခုလည်း ဖြစ်ပါသည်။
ထို့ကြောင့်လည်း ”အခုဆိုရင် အစုအဖွဲ့အသီးသီး ပုဂ္ဂိုလ်များအရ အစုအဖွဲ့များအရ ပြောသွားတဲ့ နေရာမှာ ဘယ်သူတွေဟာ အတိတ် ကို ပိုပြီး လှည့်ကြည့်တဲ့ နေရာမှာ အားသန် သလဲ။ ဘယ်သူတွေဟာ အနာဂတ်ကို မျက်နှာမူတဲ့ နေရာ မှာ အားသန်သလဲ ဆိုတာလည်း ပေါ်လာပါလိမ့်မယ်။ ဒါပေမယ့် လည်း ဒါတွေက ထာဝရ မဟုတ်ပါ ဘူး။ အခုချိန်မှာ အတိတ်ကိုလှည့် ကြည့်နေတဲ့ ပုဂ္ဂိုလ်များဟာ နောင် တစ်ချိန်မှာ အနာဂတ်ဘက်ကို လှည့်သွားတာလည်း ဖြစ်နိုင်ပါ တယ်။ ဖြစ်ဖို့လည်း ကျွန်မတို့မျှော် လင့်ပါတယ်။ အတိတ်ရဲ့ ချည်နှောင် မှုကိုကျွန်မတို့က ခံနေမှာလား။ အ နာဂတ်ကို သတ္တိရှိရှိနဲ့ ရင်ဆိုင်ပြီး တော့ တည်ဆောက်သွားမှာလား ဆိုတာကို ကျွန်မတို့ တစ်ဦးချင်း တစ်ဦးချင်း ဆုံးဖြတ်ရ မယ့် ကိစ္စဖြစ် ပါတယ်”ဟု ဆိုခဲ့ခြင်းဖြစ်ပါမည်။ အပြစ်တင်မှုမပါဘဲ တံခါးဖွင့် ထားပေးသည့် သဘောထားကြီးမှု ဟူသည် လက်ခံရုံမျှ မဟုတ်ဘဲ ကိုယ်တိုင် ကျင့်သုံးရမည့် တရားဟု ချပြခြင်းလည်း ဖြစ်နိုင်ပါသည်။ ဤစကားတို့က ပင်လုံညီလာခံတစ် ခုတည်းကိုသာ ရည်ညွှန်းသည် မ ဟုတ်ဘဲ နေရာဌာနတိုင်းနှင့် သက် ဆိုင်သည်ဟု ယူသင့်ပါသည်။
ကိုယ်သည်သာ ပြဿနာအစစ်
”အထူးသဖြင့် ပြဿနာကို စိုး ရိမ်စရာ မရှိပါဘူး။ ပြဿနာ မရှိ ချင်ယောင် ဆောင်နေရတာဟာ ဒါကသာ စိုးရိမ်စရာဖြစ်ပါတယ်။ ပြဿနာ မရှိချင်ယောင်ဆောင်နေ ရင် ပြဿနာေ တွ ဖြေရှင်းနိုင်မှာ မဟုတ်ပါဘူး” ဟု ဆိုခဲ့သော ဒေါ် အောင်ဆန်းစုကြည်၏ အဆိုပါ စကားက အလွန်တန်ဖိုးရှိပါသည်။ ပင်လုံ ညီလာခံမှ မဟုတ်၊ အစိုးရအ ဖွဲ့အတွင်းမှမဟုတ်၊ တပ် မတော်နှင့် ပြည်သူကြားတွင်သာ မဟုတ်၊ အစိုးရဝန်ထမ်းလောက အတွင်းသာမဟုတ်၊ ကုမ္ပဏီများ အတွင်းတွင်သာ မဟုတ်ဘဲ လူ သားများ တစ်ဦးနှင့် တစ်ဦးကြား၊ မိသားစု အချင်းချင်းကြားအထိ အဓိပ္ပာယ် သက်ရောက်မှု ရှိပါ သည်။ အစိုးရ အဖွဲ့အစည်းများတွင် သာ မဟုတ်ဘဲ မိမိတို့ကျင်လည်ရာ လုပ်ကိုင်ရာ ဌာန အသီးသီးတွင် လည်း ဤကဲ့သို့သော ပြဿနာ အစစ်ကို မျက်ကွယ်ပြု၍ ပြဿနာ မဟုတ်သည်တို့ကို အရေးအရာ လုပ်နေခြင်းများကြောင့် အဖြေမှန် မရဘဲ အချည်းနှီး အကျိုးမဲ့ခြင်း များ ဖြစ်ပေါ်တတ်သည်ကို သတိမူ သင့်လှပါသည်။
မှားယွင်းသော ချဉ်းကပ်မှုနှင့် နည်းမမှန်သော ကိုင်တွယ်မှုများ ကြောင့်လည်း အဖြေမှန်ဝေးဆို သည့်အပြင် အရည်အချင်းရှိသော လူများကိုလည်း လက်လွတ်ဆုံးရှုံး ရတတ်ပါ၏။ အဓိကအားဖြင့် ဤ ပင်လုံနိဒါန်းနှင့် တိုင်းပြည်၏ ပြည် တွင်းရေးအခြေအနေသည် ပြဿ နာ မရှိချင်ယောင် ဆောင်နေကြ ခြင်းနှင့် အစစ်အမှန်ပြဿနာ မဟုတ်သည်ကို အဟုတ်လုပ် အရာသွင်းနေခြင်းက ပိုများသည်ဟု သုံးသပ်ရမည်ဖြစ်သည်။ ဒေါ်အောင်ဆန်းစုကြည် အ နေဖြင့် ပင်လုံညီလာခံကို နေ့စဉ် မတက်ရောက်ခဲ့သည့် တိုင်၊ မြန်မာ ပြည် အဝှမ်းေ နရာ ဌာနအနှံ့ ကိုယ် ထိလက်ရောက် မသွားရောက်နိုင် သည့်တိုင် နိုင်ငံ၏ ပကတိ အခြေ အနေတို့ကို တစ်နည်းတဖုံအားဖြင့် သိတန်သလောက် သိထားသည် ဆိုသည် ကို အကဲခတ်နိုင်ပါသည်။ ထို့ကြောင့်လည်း တစ်ဆက်တည်း ပြောခဲ့သည့် ”ဒါကြောင့် သတ္တိရှိရှိနဲ့ ဒီပြဿနာတွေကို ရင်ဆိုင်မယ်၊ ဖြေရှင်းနိုင်တဲ့ အရည် အချင်းတွေ မွေး ထုတ်မယ်၊ တစ်ဦးကိုတစ်ဦး ကူညီမယ်ဖေးမမယ်၊ တစ်ဦးရဲ့ အမြင် တစ်ဦးကလေးစားမယ် နား ထောင်မယ်။ သဘောထားချင်း မတိုက်ဆိုင်ရင်တောင် ဘာကြောင့် မတိုက် ဆိုင်တဲ့ သဘောထားတွေ ရှိနေလဲ ဆိုတာ စဉ်းစားရမယ်။ ဒါမှ ကျွန်မတို့အားလုံး ညီညီညွတ် ညွတ်နဲ့ လိုချင်တဲ့ ငြိမ်းချမ်းရေး ပန်းတိုင်ကို ရောက်နိုင်မှာ ဖြစ်ပါ တယ်” ဟူသော စကား သည်ပင် အရာအားလုံးအတွက် အဖြေ ဟု ဆိုရပါလိမ့် မည်။
ပြဿနာကိုရှောင်လွှဲ၍ ဟန် ဆောင်နေကြသလား။ ပြဿနာ မဟုတ်သည်တို့ကို နေရာပေး၍ အဖြေ ရှာနေကြသည်လား။ အမှန် တကယ်ပင် ပြဿနာတို့ကို ရှင်း လင်း အဆင်ပြေချင်ကြ သလား ဆို သည်ကတော့ တစ်ဦးချင်းပြန် လည် မေးခွန်းထုတ်ရမည့် တာဝန် ဖြစ်ခဲ့ပါပြီ။ ထို့အတွက် ၂၁ ရာစုပင်လုံအ ကြောင်းနှင့် ပတ်သက်၍ အမြင်အ ကြားထပ်ခဲ့၍ မသိလိုေ တာ့ဟု ငြီးငွေ့မှုဖြစ်သည့်တိုင် ဒေါ်အောင် ဆန်းစုကြည်၏ အထက်ပါ မိန့်ခွန်းကိုတော့ မေ့လျော့ပစ်ရန် မသင့်ပါ။ မိမိတို့ ကျရာ ရာထူး တာဝန်နှင့် နေရာဌာန အလိုက် ပြန်လည် ချဉ်းကပ် သုံးသပ်ကာ အချိန်မနှောင်းကြမီ ရင်ဆိုင်၍ အ ဖြေထုတ်ခွင့် ရကြသည်ဟု တွေး သင့်ပါသည်။ သို့မဟုတ်ပါက တစ် ဦးနှင့်တစ်ဦး လေးစားမဲ့ မြဲမဲ့ လျက်၊ အပြန်အလှန် အကူ အညီမဲ့ မြဲမဲ့လျက်၊ ငါနှင့်မတူ ငါ့ရန်သူ အယူတို့သာစွဲမြဲစွဲလျက်။ မိမိအ ကျိုးစီးပွား ထိပါးပျက်စီးမည်လား ဟူသော ကြောက် စိတ်ဖြင့် ဝေဖန် ထောက်ပြ သင့်သည်တို့ကို မပြောမဆို ဆိတ်ဆိတ်နေမြဲ နေကြဦး မည်ဆိုပါက လှေပေါက်နှင့် ပင် လယ်ထွက်သကဲ့သို့ အချည်းနှီး နစ်မြုပ် ပျက် ဆီးခြင်း ဘေးနှင့်သာ သံသရာ လည်ကြရဦး မည်ဟု သုံး သပ် ရေး သား လိုက်ရပါတော့ သည်။
No comments:
Post a Comment