စစ်ပွဲရယ် ၊ ၀န်ကြီးရယ် ၊သမ္မတကြီး ရယ်
သရ၀ဏ်(ြ ပြည်)
ယခုတလောထူးခြားဖြစ်စဉ်များ ဆက်တိုက်ဖြစ်ပေါ်ခဲ့၏ ။ ရခိုင်ပြည်နယ်ဗူးသီးတောင်မောင်တောဒေသသို့  ဘင်္ဂလီအကြမ်းဖက်သမားများဝင်ရောက်စီးနင်းတိုက်ခိုက်ခြင်း ကိစ္စ ၊ အမေရိကန်ရွေးကောက်ပွဲတွင် အားလုံးကနိုင်မည်ထင်ထားသော ဟီလာရီကလင်တန်ရှုံးနိမ့်ပြီး အများထင်မထားသည့် ဒေါ်နယ်ထရမ့်ပ် သမ္မတအဖြစ်ရွေးချယ်ခံရသောကိစ္စ ၊ ထို ရွေးကောက်ပွဲကျင်းပသောနေ့မှာပင်မြန်မာပြည်၌ မီဒီယာတခုနှင့် ၀န်ကြီးချုပ်တဦးတို့ဖြစ်ပွားသော နာရီလက်ဆောင်နှင့်ပါတ်သက်သော အငြင်းပွားမှုကိစ္စ ၊ ပုဒ်မ ၆၆ (ဃ)ဖြင့်အရေးယူကြ အမှုဖွင့်ကြသောကိစ္စများ ဆက်တိုက်ဖြစ်ပွားခဲ့သည် ။အတော်ကိုလှုပ်လှုပ်ခတ်ခတ်ရှိခဲ့သော စူပါ နိုဝင်ဘာပင်ဖြစ်သည် ။ယခုသော် နိုဝင်ဘာနောက်ဆုံးပါတ်တွင် ထိုသတင်းအားလုံးကိုဖုံးလွှမ်းခဲ့သော သတင်းနှစ်ခုဖြစ်ပေါ်ခဲ့ပေ၏ ။ ပထမသတင်းမှာ လယ်ယာစိုက်ပျိုးရေးနှင့်ဆည်မြောင်းဝန်ကြီးဌာန ဒုတိယ၀န်ကြီး ဒေါက်တာ ထွန်းဝင်းအား နိုင်ငံတော်သမ္မတဦးထင်ကျော်အမိန့်ဖြင့်ရာထူးမှဖယ်ရှားလိုက်မှုဖြစ်သည် ။ ထိုသတင်းသည် NLD ကိုထောက်ခံသူများကြားတွင်ရော ၊ ဆန့်ကျင်သူများကြားတွင်ရော အတော်ကိုလှုပ်ခတ်သွားခဲ့သောသတင်းဖြစ်သည် ။ ဒုဝန်ကြီးကိုဖယ်ရားလိုက်မှုအပေါ်ထောက်ခံသူများနှင့် ကန့်ကွက်သူများအပြန်အလှန်ငြင်းခုန်မှုများ ၊ကိုယ့်ရှုထောင့်နှင့်ကိုယ် ဝေဖန်မှုများ သောသောညံသွားပေ၏ ။ဒုဝန်ကြီးကိုဖယ်ရှားပြီး နောက်တနေ့ဖြစ်သော နိုဝင်ဘာ ၂၀ ရက်နေ့မှာပင် တုန်လှုပ်စရာသတင်းတပုးလဲတက်လာပါသည် ။ မူဆယ် ၁၀၅ မိုင် ကုန်သွယ်ရေးဇုန်အပါအ၀င် မူဆယ်မြို့နှင့်ကွတ်ခိုင်မြို့နယ်အတွင်ရှိ်တပ်မတော်နှင့်ရဲတပ်ဖွဲ့စခန်းများကို ကေအိုင်အေဦးဆောင်သည့် မြောက်ပိုင်းမဟာမိတ်အဖွဲ့က တပြိုင်နက်တည်း အလစ်အငိုက်ရယူ၍၀င်ရောက်တိုက်ခိုက်သဖြင့် (၂၂.၁၁.၂၀၁၆ နေ့ စာရင်းအရ)အရပ်သားအပါအ၀င်ကိုးဦးသေ ၂၉ ဦးဒဏ်ရာရသွားသောသတင်းဖြစ်သည် ။ ဒေါ်အောင်ဆန်းစုကြည်က ၂၁ ရာစုပင်လုံငြိမ်းချမ်းရေးဆွေးနွေးပွဲများကျင်းပပြီး တနိုင်ငံလုံးငြိမ်းချမ်းရေးအတွက်အားကျိုးမာန်တက်ဖော်ဆောင်နေချိန်တွင် ဤကဲ့သို့ဖြစ်ပွားလာသော အရပ်ဖက်အထိ ရောက်ရှိလာသောတိုက်ပွဲများက စိတ်မခမ်းမြေ့ဖွယ်ဖြစ်သည် ။ ငြိမ်းချမ်းရေးအတွက်ကြီးစွာသောအတားအဆီးဖြစ်သည် ။ ကျွန်တော်တို့တိုင်းပြည်သည် လွတ်လပ်ရေးရပြီးချိန်ကတည်းက စစ်ပွဲများ ၊တိုက်ပွဲများ ဖြစ်ပွားခဲ့ရာ တိုင်းပြည်လည်း ဖွံ့ဖြိုးရေးလမ်းကြောင်းပေါ်သို့မရောက်နိုင်တော့ပဲ စစ်သံသရာထဲတွင် နှစ်ပေါင်း ၆၈ နှစ်လုံးလုံးတ၀ဲလည်လည်ဖြစ်နေခဲ့သည် ။ စစ်ပွဲများကြောင့် တိုင်းပြည်တွင်မည်သည့်အကျိုးမှမရှိ ။စစ်စားရိတ်ထောင်းခြင်း ၊ တိုင်းရင်းသားများသေကျေပျက်စီးခြင်း ၊ဒေသဖွံ့ ဖြိုးမှုမလုပ်နိုင်ခြင်း နှစ်ဘက်စလုံးတွင် သဘာဝသယံဇာတများပြုန်းတီးခြင်း ၊တိုင်းရင်းသားအချင်းချင်းမုန်းတီးခြင်း ၊ နှစ်ဘက်လုံး၌ စစ်အာဏာရှင်စနစ်ပေါ်ပေါက်လာခြင်းတို့သာ အဖတ်တင်သည် ။ အင်္ဂလိပ်အုပ်ချုပ်သည့်ခေတ်က ကိုယ့်အချင်းချင်းသတ်ကြသည့်ပြည်တွင်းစစ်ပွဲများမရှိသည်ဖြစ်ရာ မြန်မာနိုင်ငံ၏ စီးပွားရေးမှာ ကမ္ဘာ့အဆင့်မီခဲ့သည် ။ ဆန်စပါး ပြည်ပပို့ သည့်လုပ်ငန်း ၊ ဆက်သွယ်ရေးလုပ်ငန်း ၊ပို့ ဆောင်ရေးလုပ်ငန်း ၊ အခြေခံအဆောက်အအုံများတည်ဆောက်သည့်လုပ်ငန်းများ ၊သစ်ထုတ်လုပ်ရေး၊ကျောက်မျက်တူးဖော်ရေး ၊ အခွန်အကောက်ကောက်ခံခြင်းလုပ်ငန်းများကိုစနစ်တကျဆောင်ရွက်နိုင်ခဲ့သည် ။ မြန်မာသည် ကမ္ဘာတွင် တည်ငြိမ်ခဲ့သည် ။ စီးပွားဥစ္စာကောင်းမွန်ခဲ့သည် ။ အင်္ဂလိပ်၏နယ်ချဲ့စနစ်ကိုမကြိုက်သော်လည်း ပြည်တွင်းတွင်ငြိမ်းချမ်းအောင်ထိမ်းထားနိုင်သောအုပ်ချုပ်ရေး၊စစ်ရေးစွမ်းရည်ကို သဘောကျမိသည် ။လာဘ်စားမှုကင်းစင်သော ဗျူရိုကရေစီယန္တယားကိုသဘောကျမိသည် ။ စစ်ပွဲများမရှိသောအခါ နိုင်ငံ၏ စီးပွားရေးမှာထိပ်တန်းသို့ရောက်တတ်ကြောင်းကို ကိုလိုနီခေတ်ကအကောင်းဆုံးသက်သေပြနိုင်ခဲ့ပါသည် ။
မြန်မာနိုင်ငံ သည်အရှေ့တောင်အာရှတွင်အချမ်းသာဆုံးနိုင်ငံ အဖြစ်မှ အဆင်းရဲဆုံး နိုင်ငံတနိုင်ငံဘ၀သို့ကျရောက်ခဲ့ရခြင်းတွင် ပြည်တွင်းစစ်ဖြစ်နေခြင်းလည်းအဓိကကျသောအကြောင်းတခုဖြစ်သည် ။ စစ်ဖြစ်ခြင်းတွင်အကြောင်းပြချက်များစွာရှိသော်လည်း စစ်ပွဲတွေရပ်ဖို့ဆိုလျှင် နည်းနှစ်နည်းပဲရှိသည် ။ ပထမနည်းမှာစားပွဲဝိုင်းတွင်မျက်နှာချင်းဆိုင်၍ တွေ့ ဆုံဆွေးနွေးရေးလမ်းကြောင်းမှတဆင့် ငြိမ်းချမ်းရေးတည်ဆောက်ခြင်းဖြစ်သည် ။ ဤနည်းမှာအချိန်အကန့်အသတ်မရှိကြာတတ်ပြီး ဘက်ပေါင်းစုံမှစိတ်ရှည်သည်းခံရန် နိုင်ငံရေးအမြော်အမြင်ကြီးရန်လိုအပ်သော်လည်း ပြည်သူလူထု ထိခိုက်ဆုံးရှုံးမှုအနည်းဆုံးနည်းလမ်းဖြစ်သည် ။ အောင်မြင်ဖို့ဆိုသည်မှာ ခေါင်းဆောင်ကောင်းတွေ လိုအပ်သည် ။တဖက်ထဲမှမဟုတ်ပဲ ဆန့်ကျင်ဘက်အဖွဲ့ တွေဘက်မှလည်း သဘောထားကြီးဖို့ အမြင်ကျယ်ဖို့လိုသည် ။ ပုဂ္ဂလိက အကျိုးစီးပွားတွေ အတ္တတွေကိုရှေ့ တန်းမတင်ဖို့လိုသည် ။ စစ်ပွဲတွေရပ်ပြီးငြိမ်းချမ်းရေးရဖို့နောက်တနည်းမှာ တဘက်ဘက်မှ အမြစ်ပြုတ်အောင်စစ်တိုက်ခြင်းဖြစ်သည် ။ ဤနည်းသည် ပြည်သူလူထုအပါအ၀င် စစ်ပွဲတွင်ပါဝင်သူအားလုံး အထိအခိုက်အဆုံးအရှုံးများလှသော်လည်း တဘက်ဘက်မှနိုင်သွားလျှင် စစ်ပွဲ ပြီးသွားတတ်ပါသည် ။ဤနည်းဖြင့် ဒုတိယကမ္ဘာစစ်ကြီးကိုပြီးဆုံးနိုင်ခဲ့သည် ။ ဒုတိယကမ္ဘာစစ် ၊ တောင်ဗီယက်နမ်နှင့် မြောက်ဗီယက်နမ်တိုက်ကြသော ဗီယက်နမ်စစ်ပွဲများမှာ ဆွေးနွေးပွဲဖြင့် စစ်ကိုရပ်နိုင်ခဲ့သည်မဟုတ် ။တဖက်မှအပြတ်အသတ်နိုင်၍ တဖက်မှခြွင်းချက်မရှိလက်နက်ချခြင်းဖြင့် ကမ္ဘာကြီးငြိမ်းချမ်းခဲ့ခြင်းဖြစ်သည် ။ ထို့ကြောင့် မြန်မာနိုင်ငံ တွင်စစ်ပွဲတွေကင်းမဲ့၍ ငြိမ်းချမ်းသောနိုင်ငံဖြစ်လိုလျှင် ငြိမ်းချမ်းရေးဆွေးနွေးညှိနှိုင်းသောနည်း ကိုနှစ်အကန့် အသတ်တခုထား၍ဆွေးနွေးပြီး ထို ဆွေးနွေးပွဲမအောင်မြင်ခဲ့လျှင် ၆၈ နှစ်ကြာနေပြီဖြစ်သော ပြည်တွင်းစစ်ပွဲကို လုံးဝ တဘက်ဘက်မှ အရှုံးအနိုင်ပေါ်အောင်တိုက်ကြဖို့ကောင်းသည် ။ထိုသို့လုပ်ရန် တောင်ကိုရီးယား ၊အမေရိကန်ပြည်ထောင်စုတို့မှာလို ၁၈ နှစ်ပြည့်ပြီးသောနိုင်ငံသားတိုင်း စစ်မှုမထမ်းမနေရစနစ်ကိုကျင့်သုံးသင့်ကကျင့်သုံးရပေမည် ။ ယခုလို အခြေအနေမျိုးမှာ မြန်မာနိုင်ငံသည် နာတာရှည်ရောဂါရနေသူတယောက်လိုဖြစ်နေပေသည် ။အသက်လည်းမထွက် ၊သက်ဆိုးလည်းမရှည် တရှောင်ရှောင်နှင့်လူမမာဖြစ်နေသကဲ့သို့ရှိပေရာအသက်ရှင်ရခြင်းမှာ ဝေဒနာခံရဖို့သက်သက်ဖြစ်နေပေသည် ။ အဓိကကတော့ မြန်မာနိုင်ငံမှာ စစ်ပွဲတွေ ရပ်စဲစေချင်သည် ။ စစ်ပွဲတွေ အမြစ်ပြတ်ဖို့လုပ်သင့်သောနည်းလမ်းအားလုံးလုပ်ဆောင်သင့်ပေသည် ။ တနိုင်ငံလုံးသေနတ်သံတွေတိတ်သွားလျှင်တိုင်းပြည်သည်ဖွံဖြိုးတိုးတက်လာမည်မှာ ဧကန်မုချဖြစ်သည် ။ဤသို့ ပြောသဖြင့် စာရေးသူသည် စစ်လိုလားသူစစ်ဝါဒီမဟုတ် ။ စစ်ပွဲတွေကို ရပ်စေလိုသူ ဖြစ်သည် ။ သို့ သော် လက်နက်ကိုင်ခြင်း၏အရသာကိုမစွန့်လွှတ်နိုင်သူများရှိနေသရွေ့  ဆွေးနွေးပွဲ ကိုအကြောင်းအမျိုးမျိုးပြရှောင်ရှားနေဦးမည်ဖြစ်သည် ။ ဖြစ်သင့်သည်ကား အတတ်နိုင်ဆုံး လိုက်လျော၍ဆွေးနွေး ။ ဆွေးနွေးပွဲပျက်သုဉ်းသွားလျှင် အရှုံးအနိုင်ပေါ်သည်အထိတိုက်ကြပေရော့ ။ မြွေမသေတုတ်မကျိုးရလာဒ်ကိုသိပ်မျှော်လင့်၍မရချေ ။ငြိမ်းချမ်းရေးဆွေးနွေးမှုအောင်မြင်လျှင်မူကား၊ သားရွှေအိုးထမ်းလာသော သုဝဏ္ကသာမ ကိန်းပေတည်း။
ဒါကစစ်ရေးကိစ္စဖြစ်သည် ။ တိုင်းရင်းသားချင်းတိုက်နေသော တိုက်ပွဲများကိစ္စဖြစ်သည် ။ မောင်တောလို ဘင်္ဂလီများပါဝင်နေသော ပြည်ပကျူးကျော်မှုကတော့ ရှင်းသည် ။ဘာမှဆွေးနွေးနေစရာမလို ။ အမြစ်ပြုတ်တိုက်ရမည်ဖြစ်သည် ။ ထားတော့ ။ နောက်ထပ်ပြောချင်သည်က ယခုတလော သတင်းကြီးနေသော ဒုဝန်ကြီးတယောက်တာဝန်မှရပ်စဲခံရသော ကိစ္စဖြစ်သည် ။ ထိုဝန်ကြီးသည် ပညာရှင်တယောက်ဟုလည်းကျော်ကြားပါသည် ။ ဒုဝန်ကြီးမှားသည်မှန်သည်ကိုဝေဖန်ပြလိုရင်းမရှိပေ ။ ပြောလိုသည်မှာ နိုင်ငံတော်သမ္မတဦးထင်ကျော်သည် ထိုသို့  သမ္မတအာဏာကိုအပြည့်သုံး၍ ပြတ်ပြတ်သားသားဆောင်ရွက်ခြင်းမှာကောင်းမကောင်းဖြစ်သည် ။ မှတ်မိနေသောကာတွန်းတကွက်ရှိသည် ။ ကာတွန်းတွင် လူတယောက်ကစတိုးဆိုင်သို့ပစ္စည်းတခုလာဝယ်ရာတွင် သမ္မတကြီးတထုပ်ပေးပါဟုပြော၏ ။ထိုအခါစတိုးဆိုင်ပိုင်ရှင်က ရေခဲထုပ်တထုပ် ပေးလိုက်သည် ။ သမ္မတကြီးကို အေးဆေးလွန်းသူ ရေခဲတုံး ဟု ကြည်စယ်ထားခြင်းဖြစ်ပုံရသည် ။ယခင်သမ္မတကြီးဦးသိန်းစိန်ကို နွားနို့ သမ္မတကြီးဟုခေါ်ဝေါ်ကြပြီး လက်ဘက်ရည်ဆိုင်တွင် နွားနို့တစ်ခွက်ဟုမှာလျှင် သမ္မတကြီးတခွက်ဟုမှာကြသည် ။ယခုသမ္မတကြီးဦးထင်ကျော်ကိုတော့ ရေခဲတုံးသမ္မတကြီးဟုကင်ပွန်းတပ်ကြ၏ ။ အဘယ့်ကြောင့်ဆိုသော်သမ္မတကြီး၏ အေးဆေးတည်ငြိမ်လွန်းသောစရိုက်ကြောင့်ဖြစ်ပုံရပါသည် ။ဟုတ်လည်းဟုတ်သည် ဖွဲ့စည်းပုံအခြေခံဥပဒေ အခန်း(၃) ပုဒ်မ ၅၈ တွင် နိုင်ငံတော်သမ္မတသည် ပြည်ထောင်စုသမ္မတမြန်မာနိုင်ငံတော်တစ်ဝှန်းလုံးတွင် နိုင်ငံသားအားလုံး၏ အထွတ်အထိပ်နေရာ ရရှိသည် ဟုဖော်ပြပါရှိပေသည် ။ အရာရာကို သမ္မတသည်ဦးဆောင်ရပေမည် ။ သို့ သော် သမ္မတကြီးသည် နဂိုဗီဇအေးသောကြောင့် နိုင်ငံတော်အတိုင်ပင် ခံပုဂ္ဂိုလ်နှင့် ပါတီမှထိပ်တန်းတာဝန်ရှိသူများ၏ ရွေ့ ရှားမှုနှုန်းကို လိုက်ပါရွေ့ လျားနေသလိုရှိသည် ။ တကယ်တော့ ပြည်ပခရီးစဉ်များ ၊အာဆီယံထိပ်သီးအစည်းအဝေးများ ၊ ပြည်တွင်း အခမ်းအနားတွင် မိန့် ခွန်းပြောကြားမှုများစသည်တို့ သည် သမ္မတကြီးလုပ်သင့်သောကိစ္စများဖြစ်ပါသည် ။အဂတိလိုက်စားမှုတိုက်ဖျက်ရေးကိစ္စများ၊ အကျင့်ပျက်ခြစားသူ တာဝန်မကြေပွန်သူကိုအရေးယူအပြစ်ပေးသောကိစ္စများသည်သမ္မတကြီးဆုံးဖြတ်သင့်သောကိစ္စများဖြစ်သည် ။ သို့ သော် သမ္မတကြီးသည် အင်းလေးဖောင်တော်ဦးဘုရားသွားရောက်ဖူးမျှော်ခြင်း ၊ ပင်းဒယ ရွှေပင့်ကူလိုဏ်ဂူသို့ ဘုရားပုထိုးသွားရောက်ဖူးမျှော်ခြင်း ၊ နေပြည်တော်တွင်ကလေးစာပေ စာအုပ်ဈေးရောင်းပွဲတော်သို့ တက်ရောက်ဖွင့်လှစ်ပေးခြင်းစသည့်ဘက်တွင်ပို၍ ပျော်မွေ့ ဟန်ရှိ၏ ။ သမ္မတကြီးသည် နိုင်ငံကျော်အမျိုးသားစာဆိုကြီး မင်းသုဝဏ်၏ ရင်သွေးဖြစ်ပြီးကိုယ်တိုင်လည်း ဒလဘန်းအမည်ရ စာရေးဆရာတယောက်ဖြစ်ရာ တိုင်းရေးပြည်ရာကိစ္စတွေထက် စာနှင့်ပေနှင့် ဘာသာတရားနှင့်ငြိမ်းအေးစွာနေလိုစိတ်ပိုမိုတိမ်းညွှတ်ဟန်တူ၏ ။ထို့ ကြောင့်ပင် ကာတွန်းဆရာများက ရေခဲတုံးသမ္မတကြီးဟု တင်စားခေါ်ဝေါကြခြင်းဖြစ်ပုံရ၏ ။
လိုရင်းကိုဆက်ကြပါစို့  ။ ဒုဝန်ကြီးတဦးရာထူးမှရပ်စဲခံရသောအခါ ထိုဝန်ကြီး ပညာရှင်ဖြစ်သည် မဖြစ်သည် ၊ တော်သည်မတော်သည် ကို ဝေဖန်လိုရင်းမဟုတ် ။ သမ္မတတယောက် သည် ၀န်ကြီးတဦး၏ စွမ်းဆောင်ရည်နှင့် ခံယူချက်ကို မနှစ်သက်ပါက ရာထူးမှဖြုတ်လိုက်ခြင်းသည် မှန်သလားမှားသလားဟူသောမေးခွန်းကိုပဲ ပြောလိုရင်းဖြစ်သည် ။သမ္မတဦးထင်ကျော် ဒုဝန်ကြီးတယောက်ကိုဖြုတ်လိုက်သည်မှာမှန်ကန်ပါသလား ။ဒါကအဓိကမေးခွန်းဖြစ်သည် ။ဘယ်ဝန်ကြီးမလို့  ၊ ဘယ်ဒုဝန်ကြီးမို့ ဆိုတာမျိုးကိုပြောလိုရင်းမဟုတ် ။ရာထူးအဖြုတ်အတပ်များကို သမ္မတစိတ်ကြိုက်ပြုလုပ်ခြင်းသည်ကောင်းမကောင်းဝေဖန်လိုရင်းဖြစ်သည် ။ကျွန်တော့်အမြင်အရပြောရလျှင် သမ္မတသည် အစိုးရအဖွဲ့  ၀န်ကြီး ၊ဒုဝန်ကြီးရာထူးများ ၊ ပြည်နယ်နှင့်တိုင်းဝန်ကြီးချုပ်ရာထူးများ အဖြုတ်အတပ်ကိစ္စတွင်တာဝန်အ၇ှိဆုံးပုဂ္ဂိုလ်ဖြစ်သည် ။ သူသွားနေသောမူဝါဒနှင့်မကိုက်ညီလျှင်ဖြုတ်မည် ၊ ကိုက်ညီသည်ဟုထင်လျှင်ခန့်ထားမည်ဖြစ်သည် ။ သမ္မတကြီးကိုလူတွေက အေးဆေးလွန်းသူဟုထင်နေရာ ယခုရက်ပိုင်းက ဒုဝန်ကြီးတဦးကို သမ္မတလက်မှတ်ထိုး၍ ရာထူးမှရပ်စဲမိန့်ထုတ်ပြန်လိုက်ခြင်းက အားလုံးကို အံ့သြသွားစေသည် ။ တို့ သမ္မကြီးလည်း ဘယ်ဆိုးလို့ တုန်း ၊ ပြတ်ပြတ်သားသားလုပ်ရဲကိုင်ရဲသားပဲ ဟု လည်ပြန်စောင်းငဲ့ကြည့်ကုန်ကြသည် ။ မူအရပြောကြလျှင် နိုင်ငံတော်သမ္မတသည် ပေးအပ်သောတာဝန်ကိုကြေပွန်စွာမထမ်းဆောင်နိုင်သော ပြည်ထောင်စုဝန်ကြီး သို့ မဟုတ် ဒုတိယ၀န်ကြီးတဦးဦးအား ရာထူးမှနုတ်ထွက်ရန်ညွှန်ကြားနိုင်သည်။ ညွှန်ကြားသည့်အတိုင်း လိုက်နာခြင်းမပြုလျှင်တာဝန်မှရပ်စဲရမည် ဟု ဖွဲ့စည်းပုံအခြေခံဥပဒေ ပုဒ်မ ၂၃၅ (ဂ) တွင် ပါရှိပေသည် ။ ထို့ ကြောင့် သမ္မတသည်သူ့ လုပ်ပိုင်ခွင့်ကိုကျင့်သုံးခြင်းဖြစ်ပေ၏ ။ သို့ သော် ကျွန်တော်နားမလည်သောအချက်မှာ သမ္မတက ထိုသို့  ရာထူးမှမထုတ်ပယ်မီ မိမိဆန္ဒအရ ရာထူးမှ နုတ်ထွက်ရန် (သို့ မဟုတ် ) နေပြည်တော်ကောင်စီသို့ ပြောင်းရွေ့ တာဝန်ထမ်းဆောင်ရန် NLD ဗဟိုအလုပ်အမှုဆောင် ဦးဝင်းထိန်ကခေါ်ယူတွေ့ ဆုံပြောကြားသည်ဟု ကာယကံရှင် ဒေါက်တာထွန်းဝင်းကပြောကြားကြောင်း ဒေးလီးအလဲဗင်းသတင်းစာ ( ၂၀.၁၁.၂၀၁၆ )တွင်ဖော်ပြခဲ့သည် ။ ထိုအခါ မရှင်းသည်မှာ ဒုဝန်ကြီးတယောက်ကို ရာထူးမှ ထုတ်ရန် ၊ပြောင်းရွှေ့ ရန်လုပ်ပိုင်ခွင့်နှင့်တာဝန်သည် ဖွဲ့စည်းပုံအခြေခံဥပဒေအရ နိုင်ငံတော်သမ္မတ ဦးထင်ကျော်၏တာဝန်ဖြစ်သည် ။ ခေါ်ပြောစရာရှိလျှင် သမ္မတကိုယ်တိုင်သော်လည်းကောင်း ၊ ဒုတိယသမ္မတတဦးဦးအားလည်းကောင်း (သို့ မဟုတ် ) သမ္မတရုံးဝန်ကြီး မှသော်လည်းကောင်း ၊ ယုတ်စွအဆုံး နိုင်ငံတော်သမ္မတ၏ပြောရေးဆိုခွင့်ရှိသူကိုယ်စားလှယ်အဖြစ်တရားဝင်ခန့် အပ်ခံထားရသူ တဦးကသော်လည်းကောင်း ဒုဝန်ကြီးအားခေါ်ယူပြောဆိုရမည်ဖြစ်ပါသည် ။ အစိုးရအဖွဲ့၏လုပ်ငန်းသည် ပါတီလုပ်ငန်းမဟုတ်သဖြင့် ပါတီမှအမှုဆောင်လူကြီးတယောက်၏အလုပ်မဟုတ်ပေ ။ ထို့ အခါ သမ္မတလုပ်ရမည့်အလုပ် ကို ဦးဝင်းထိန်က ၀င်ရောက်လုပ်ကိုင်ခြင်းကြောင့် သမ္မသည် ဦးထင်ကျော်လား ဦးဝင်းထိန်လားဟုပင် ဇဝေဇ၀ါဖြစ်မိပါသည် ။ နိုင်ငံတော်ပြန်တမ်းတွင်တော့ နိုင်ငံတော်သမ္မတမှာ ဦးထင်ကျော်ဟုရေးသားထုတ်ပြန်ထားပါသည် ။ ပြောလိုရင်းမှာ ၀န်ကြီးတယောက် ကိုသမ္မတကြီးကရာထူးမှ ဖြုတ်ခြင်း ခန့်ခြင်းကိစ္စကို ထောက်ခံသော်လည်း ဦးဝင်းထိန်ထိုကိစ္စတွင်ပါဝင်ပါတ်သက်နေတာသဘာဝမကျကြောင်းပြောလိုရင်းဖြစ်သည် ။ ဦးဝင်းထိန်သည် ပါတီအမှုဆောင်လူကြီးဖြစ်သော်လည်း အစိုးရအဖွဲ့ တွင် ပါဝင်သူမဟုတ်ပါ ။ ကျွန်တော်တို့ နိုင်ငံတွင် အရောရောအထွေးထွေးဖြစ်နေသည်များရပ်တန့် ဖို့ အချိန်တန်ပါပြီ ။ အစိုးရသည် အစိုးရအလုပ်လုပ် ၊နိုင်ငံရေးပါတီသည် နိုင်ငံရေးပါတီအလုပ်လုပ် ၊လွှတ်တော်သည် လွှတ်တော်အလုပ်ကိုလုပ် ၊ တရားစီရင်ရေးသည် တရားစီရင်ရေးအလုပ်ကိုလုပ်၊ တပ်မတော်သည် တပ်မတော်အလုပ်လုပ် ၊ရဲတပ်ဖွဲ့ သည် ရဲတပ်ဖွဲ့အလုပ်ကိုလုပ်၊၀န်ထမ်းသည်ဝန်ထမ်းအလုပ်ကိုလုပ်ကြလျှင်နိုင်ငံတော်တိုးတက်ကြီးပွားပါမည် ။ထိုသို့ မဟုတ်ပဲ Separation of Power ကိုခွဲဝေမကျင့်သုံးပဲ ပါလေရာဆားကဲ့သို့ တမိုးလုံးဖျောက်ဆိတ်လုပ်နေကြလျှင် Balance of Power ခေါ်အာဏာဟန်ချက်ပျက်သွားပေလိမ့်မည် ။ န.၀.တ ၊န.အ.ဖ စစ်အစိုးရခေတ်က ဗိုလ်ချုပ်ခင်ညွန့် တို့အဖွဲ့ နေရာတကာဝင်ပါကဲ့သို့ပြန်ဖြစ်သွားပါမည် ။ ထို့ ကြောင့် ပါတီကိစ္စများကို သမ္မတဦးထင်ကျော်နှင့်ဒေါ်အောင်ဆန်းစုကြည်တို့က၀င်မစွက်ဖက်သလို အစိုးရလုပ်ရမည့်အလုပ်များကိုလည်းပါတီက၀င်ရောက်မစွက်ဖက်ဖို့ လိုသည် ။
သို့ သော်ကျွန်တော်တို့ နိုင်ငံသည် စတည်ကတည်းကကြီးမားသောအားနည်းချက်ရှိခဲ့သည် ။ ထိုအားနည်းချက်မှာ သမ္မတဦးသိန်းစိန်လက်ထက်မှာရော ၊ သမ္မတ ဦးထင်ကျော်လက်ထက်မှာရော သမ္မတများသည် အစိုးရအဖွဲ့ ကိုသူတို့စိတ်တိုင်းကျဖွဲ့ခွင့်မရခဲ့ခြင်းဖြစ်သည် ။အထက်မှချပေးသောဝန်ကြီးစာရင်းကိုသာ လက်ခံ၍အလုပ်လုပ်ခဲ့ရသည် ။တပ်မတော်မှချပေးသော ၀န်ကြီးသုံးပါးကိုသာဆိုလိုသည်မဟုတ်သေး ။ ဦးသိန်းစိန်အစိုးရအဖွဲ့၏ အမည်စာရင်းအားလုံးကိုတင်သွင်းသူမှာ ဗိုလ်ချုပ်မှူးကြီးသန်းရွှေဖြစ်သည် ။ ဦးသိန်းစိန် ဦးရွှေမန်း အပါအ၀င် သူပုံစံချ ခန့်အပ်သွားသော လူစာရင်းကိုကျန်သူများက လိုက်နာ အလုပ်လုပ်ရခြင်းဖြစ်သည် ။ ထို့ကြောင့် သမ္မတသည်အထွတ်အထိပ်ဆိုသော်ငြား ဦးသန်းရွှေအလိုတော်ကျ ဖွဲ့စည်းခဲ့သော ၀န်ကြီးအဖွဲ့ သာဖြစ်ခဲ့သည် ။ သမ္မတဦးထင်ကျော်လက်ထက်တွင်လည်း ထိုစဉ်က NLD ပါတီဥက္ကဌ ဒေါ်အောင်ဆန်းစုကြည်သည် အနိုင်ရပါတီခေါင်းဆောင်တယောက်အနေနှင့် အစိုးရအဖွဲ့စာရင်းကို ရွေးချယ်တာဝန်ပေးခဲ့ခြင်းဖြစ်သည် ။ သမ္မတဦးထင်ကျော်ကိုလည်း ဒေါ်အောင်ဆန်းစုကြည်ပင်တင်မြောက်ရန် လူစာရင်းပေးခဲ့ခြင်းဖြစ်သည် ။ ထို့ ကြောင့် အစိုးရအဖွဲ့ ကက်ဘိနက်သည် ဦးသိန်းစိန်အစိုးရလက်ထက်တွင် ဦးသန်းရွှေအလိုကျဖွဲ့စည်းခဲ့ပြီး ဦးထင်ကျော်လက်ထက်တွင် ဒေါ်အောင်ဆန်းစုကြည်အလိုကျဖွဲ့စည်းထားခဲ့ခြင်းဖြစ်ရာ သမ္မတများထက် သူတို့နောက်ကွယ်က ပုဂ္ဂိုလ်များက ပိုမိုအာဏာရှိနေလေသည် ။ ထို့ ကြောင့် ၀န်ကြီးများရာထူးမှဖြုတ်ခြင်း ပြောင်းရွေ့ ခြင်းများကိုလုပ်သောအခါတွင်လည်း သမ္မတများသည် နာမည်ခံလက်မှတ်ထိုးရတာလောက်များဖြစ်မလားဟုတွေးမိပါသည် ။ သေချာသည်ကတော့ အလုပ်ခန့် ရာတွင် ကိုယ့်အာဏာမတည်ခဲ့သော ပုဂ္ဂိုလ်တယောက်အား အလုပ်ဖြုတ်ရာတွင်လည်း ထိုသူသည် အာဏာရှိမည်မထင်ပေ ။ ထို့ ကြောင့်ပဲ ဦးဝင်းထိန်သည် ၀င်ပါနေသလားဟုတွေးမိပါသည် ။ ဘာပဲဖြစ်ဖြစ် အစိုးရကိစ္စတွင် သမ္မတသည်သာအခရာဖြစ်သည် ။ပါတီမှဝင်ပါနေသည်ကတော့မြင်လို့မကောင်းချေ ။ပါတီဝင်အချင်းချင်းမို့ ပြောစရာရှိလျှင် အခြားကိစ္စပြောသင့်ပြီး ၀န်ကြီးရာထူးနုတ်ထွက်သည့်ကိစ္စ ဌာနပြောင်းရွှေ့သည့်ကိစ္စများမပြောအပ်ပေ။
နိဂုံးချုပ်ပြောရလျှင် သမ္မတသည် မိမိနှင့်မူဝါဒမတူသူ ၊ စိတ်ကြေနပ်မှုမရှိသူဝန်ကြီးတဦးကို လမ်းခွဲတာ အမှားမဟုတ်ပါ ။ ပြတ်ပြတ်သားသားလုပ်နိုင်ပါသည် ။ ထိုသို့ လုပ်ရာတွင် မိမိသဘောဆန္ဒ အာဏာအပြည့်ဖြင့်ဆောင်ရွက်ခဲ့လျှင်ပို၍ကောင်းပါသည် ။ ထိုသို့  သဘောထားမတိုက်ဆိုင်သော ၀န်ကြီးတဦးကို ရာထူးမှရပ်စဲသလို အကျင့်စာရိတ္တမကောင်းသော ၀န်ကြီးများကိုလည်းရာထူးမှရပ်စဲပါ ၊ အကျင့်ပျက်ခြစားသည်ဟု သံသယရှိသူ ၀န်ကြီး ၊ဒုဝန်ကြီး၊ အမြဲတန်းအတွင်းဝန် ၊ညွှန်ချုပ် များအားလည်း စုံစမ်းစစ်ဆေးအရေးယူပါ ။ လူမှုရေးဖောက်ပြန်၍တလင်တမယားဥပဒေကိုပမာမခန့် လုပ်နေသော ပြည်နယ်နှင့်တိုင်းဒေသကြီး ၀န်ကြီးချုပ်များအားလည်း ပြတ်ပြတ်သားသား ကိုင်တွယ်အရေးယူပါ ။ ခရိုနီများနှင့် ပလူးပလဲလုပ်နေသော အစိုးရအရာရှိကြီးများအားလည်း ပြတ်ပြတ်သားသားအရေးယူဆောင်ရွက်ပါ ။ ၀န်ကြီးများကိုပညာပြနေသော အရာရှိဆိုးများအားလည်း အရေးယူပါ။ မှန်မှန်ကန်ကန်ဆောင်ရွက်နေသောသူများကို အကာအကွယ်ပေးပါ။ချီးမြင့်မြှောက်စားပါ ။ထိုသို့ဆိုလျှင် ကာတွန်းဆရာများကကြည်စယ်ခေါ်ဝေါ်နေသော ရေခဲတုံးသမ္မတကြီးဟူသောအမည်ပျောက်သွားပြီး သွက်လက်ထက်မြက်၍ ပြည်သူလူထုနှင့်တသားတည်းရှိသော၊ ပြည်သူကိုရေလိုအေးမြစေသော၊ရပ်တည်စရာ မြေကြီးလိုအကာအကွယ်ပေးသော၊ အသက်ရှူရန်လေပြေလေညင်းလိုအသက်ဓာတ်ကိုပေးသော ၊ ရန်သူကိုမီးလိုကျင့်သုံးသော ရေမြေလေမီး သမ္မတကြီးဟု အားလုံးကခေါ်ဝေါ်ကြမည်ဖြစ်ပါကြောင်း ။
သရ၀ဏ်(ြ ပြည်)
စောင့်ကြည့်ဂျာနယ်
၂၅.၁၁.၂၀၁၆
No comments:
Post a Comment